Long anuel miting blong Watch Tower Bible and Tract Society of Pennsylvania long 5 Oktoba 2024, oli talemaot se naoia oli jenisim yia we man i mas gat blong wok long Betel o joen long ol tiokratik konstraksen projek. Fastaem, man i mas gat 19 yia blong mekem ol wok ya, be naoia oli save stat taem oli gat 18 yia. Mo tu, oli jenisim yia we man i mas gat blong go long Skul Blong Kingdom Ivanjelis. Fastaem, man i mas gat 23 yia blong go long skul ya, be naoia oli save go taem oli gat 21 yia i go antap.

Ol nambawan jenis ya oli stat finis. Hemia i openem rod blong plante moa yangfala brata mo sista we oli gohed gud long trutok, oli save mekem moa long wok blong Jehova.