Okhian Na Mu Lẹga vbe Bẹtẹl
Ma ye ẹkorhiẹnrhiẹnmwẹ tie ruẹ, nu do mu okhian lẹga ehe nẹ avbe ọfisi ọghomwa kevbe emadogua ne ima ya print avbe ebe ye. Gualọ ehe nọ khin kevbe ẹghẹ na ya mu okhian lẹga.
A Werriegbe Suẹn Gha Mu Okhian Lẹga e Bẹtẹl: Vbe ẹvbo nibun, ke June 1, 2023 kpa, ma gha kue ne emwa werriegbe suẹn gha mu okhian lẹga e Bẹtẹl. Deghẹ u hoo ne u rẹn sayọ, u sẹtin gbẹn ebe gie iran vbe Bẹtẹl ne u hoo ne u mu okhian gha rrie. Adeghẹ u mwẹ COVID-19, ọha ra u gu ọmwa nọ mwẹ COVID-19 mu obọ, lahọ ghẹ rre.
Angola
Vbene U Khian Ya Gbẹn Ẹghẹ Ne U Dee Yotọ
Ọ khẹke ne u gbẹn ẹghẹ ne u ya dee yotọ u ke do mu okhian lẹga ra? Ẹẹn. Ọ khẹke ne emwa ni hoo ne iran mu otuẹ rre ka gbẹn ẹghẹ ne iran ya dee yotọ, ne emwa ni khian do mu okhian lẹga ghẹ bun gbe, ọ gha kẹ, ọ gha re uzọla ọkpa ọ te sẹ ẹghẹ ne iran ya dee, ọre te iran bun ra ibozẹghẹ iran khin. Adeghẹ ẹghẹ irhiẹdẹ u ya dee, lahọ gi ima rẹn yotọ uki eso ọ te sẹ ẹghẹ ne u ya dee.
Adeghẹ u ma gbẹn ẹghẹ ne u ya dee yotọ, u gha ye sẹtin do mu okhian lẹga ra? U i khian sẹtin mu okhian lẹga ẹdẹrriọ rhunmwuda ẹkpoto i mobọ rrọọ kevbe wẹẹ, ibozẹghẹ emwa ẹre ima rhie lẹga ẹdẹdẹgbe.
De ẹghẹ nọ khẹke ne u ya sẹ emwa vbe ẹdẹ ne u khian do mu okhian lẹga? Lahọ rherhe sẹ emwa, ọ gha kẹ, giẹ gha re ifuanro 30 ọ ke sẹ ẹghẹ ne u khian do ya mu okhian lẹga, ne emwa ghẹ do bun gbe.
De vbene u khian ya gbẹn ẹghẹ ne u ya dee yotọ hẹ? Ya klik ako nọ khare wẹẹ “Gbẹn Ẹghẹ Ne U Ya Dee Yotọ.”
U gha sẹtin fi ẹghẹ ne u ya dee werriẹ, ra ne u fi ekhọe werriẹ ra? Ẹẹn. Ya klik ako nọ khare wẹe “Ghee Ẹre ra Fi Ẹghẹ Ne U Ya Dee Werriẹ.”
Deghẹ ai khian rhie emwa lẹga vbe ẹdẹ ne u ya dee ghi vbo? Ye gha ghee wẹbsait na, ne u mieke na rẹn deghẹ ẹkpotọ gha kie. Rhunmwuda zẹ vbene emwa ya fi ekhọe werriẹ kevbe ẹghẹ ne iran ya dee, erriọ ẹkpotọ ya kie ne emwa ọvbehe do ya mu okhian lẹga.
Okhian Na Mu Lẹga
Avbe Iwinna Na Mobọ Ru
Ma keghi siẹnro iwinna izedu ọghe avbe ebe iyẹn ni rhan otọe Baibol ghee urhuẹvbe erẹnrẹn, uhiẹn ya sẹ egbe Urhuẹvbo Ekhakha Ọghe Angola. Ma vbe siẹnro iwinna ọghe avbe Ọgua Arriọba na bọlọ, kevbe avbe ebe iyẹn na zedu ẹre ghee urhuẹvbo ughughan na kun gie avbe iko ni gberra 2,567 ni rre Angola.