Okhian Na Mu Lẹga vbe Bẹtẹl
Ma ye ẹkorhiẹnrhiẹnmwẹ tie ruẹ, nu do mu okhian lẹga ehe nẹ avbe ọfisi ọghomwa kevbe emadogua ne ima ya print avbe ebe ye. Gualọ ehe nọ khin kevbe ẹghẹ na ya mu okhian lẹga.
A Werriegbe Suẹn Gha Mu Okhian Lẹga e Bẹtẹl: Vbe ẹvbo nibun, ke June 1, 2023 kpa, ma gha kue ne emwa werriegbe suẹn gha mu okhian lẹga e Bẹtẹl. Deghẹ u hoo ne u rẹn sayọ, u sẹtin gbẹn ebe gie iran vbe Bẹtẹl ne u hoo ne u mu okhian gha rrie. Adeghẹ u mwẹ COVID-19, ọha ra u gu ọmwa nọ mwẹ COVID-19 mu obọ, lahọ ghẹ rre.
South Africa
Vbene U Khian Ya Gbẹn Ẹghẹ Ne U Dee Yotọ
Ọ khẹke ne u gbẹn ẹghẹ ne u ya dee yotọ u ke do mu okhian lẹga ra? Ẹẹn. Ọ khẹke ne emwa ni hoo ne iran mu otuẹ rre ka gbẹn ẹghẹ ne iran ya dee yotọ, ne emwa ghẹ bun gbe, ọre te iran bun ra ibozẹghẹ iran khin.
Adeghẹ u ma gbẹn ẹghẹ ne u ya dee yotọ, u gha ye sẹtin do mu okhian lẹga ra? U i khian sẹtin mu okhian lẹga ẹdẹrriọ, rhunmwuda ẹkpoto i mobọ rrọọ kevbe wẹẹ, ibozẹghẹ emwa ẹre ima rhie lẹga ẹdẹdẹgbe.
De ẹghẹ nọ khẹke ne u ya sẹ emwa vbe ẹdẹ ne u khian do mu okhian lẹga? Lahọ rherhe sẹ emwa, ọ gha kẹ, giẹ gha re ughaẹdẹ ọkpa ọ ke sẹ ẹghẹ ne u khian do ya mu okhian lẹga, ne emwa ghẹ do bun gbe.
De vbene u khian ya gbẹn ẹghẹ ne u ya dee yotọ hẹ? Ya klik ako nọ khare wẹẹ “Gbẹn Ẹghẹ Ne U Ya Dee Yotọ.”
U gha sẹtin fi ẹghẹ ne u ya dee werriẹ, ra ne u fi ekhọe werriẹ ra? Ẹẹn. Ya klik ako nọ khare wẹe “Ghee Ẹre ra Fi Ẹghẹ Ne U Ya Dee Werriẹ.”
Deghẹ ai khian rhie emwa lẹga vbe ẹdẹ ne u ya dee ghi vbo? Ye gha ghee wẹbsait na, ne u mieke na rẹn deghẹ ẹkpotọ gha kie. Rhunmwuda zẹ vbene emwa ya fi ekhọe werriẹ kevbe ẹghẹ ne iran ya dee, erriọ ẹkpotọ ya kie ne emwa ọvbehe do ya mu okhian lẹga.
Okhian Na Mu Lẹga
1 Robert Broom Drive East
Rangeview
KRUGERSDORP
1739
SOUTH AFRICA
+27 11-761-1002
E-mail: InboxBTHLTours.ZA@jw.org
Ako Na Mwamwaẹn Ne Erhunmwuyẹn (Home Visitor Centre): E vidio ọghe omuso ẹre a ka kpee ma emwa ni do mu okhian lẹga e Bẹtẹl. E vidio eso vbe rrọọ na kpee zẹ vbene a ya rhie iran lẹga. Avbe vidio na dekaan iwinna na ru vbe Bẹtẹl kevbe vbene iwinna na ya ru iyobọ ye iwinna Arriọba hẹ. Ibiẹka sẹtin gu e Calẹb vbe Sophia mu efoto vbe ako na tiẹre Dọ Gha Re Ọse Ọghe Jehova.
Ako Na Mwamwaẹn Ne Erhunmwuyẹn Vbe Printery 2: Ako na ẹre emwa ni mu otuẹ rre na ghee vidio eha, ni guan kaan vbene ọ ru ekpataki sẹ hẹ, na gha zedu ebe ọghomwa ghee urhuẹvbo ughughan. Ọ mwẹ ako ọkpa nọ yo ne emwa mudia yi, evba nii ẹre iran ke bẹghe vbene printer eva ọghomwa na tiẹre rotary offset ya winna hẹ. Nọ ghi wa gbe emwa otiti sẹ ọre ako na mwamwaẹn yi, e Baibol na ya urhuẹvbo ughughan gbẹn, kevbe vbene urhuẹvbo eso ya loo eni Osanobua vbe izedu ọghe iran.
Ako Na Mwamwaẹn Ne Erhunmwuyẹn Vbe Printery 3: Ako nọ yo vbe rre emwana, ne emwa ke bẹghe ehe hia vbe ugha na tiẹre Shipping. Emwa ni mu otuẹ rre vbe ghee vidio eha vbe ako na. Avbe vidio na keghi rhiẹre ma vbene a ya bọlọ avbe Ọgua Arriọba hẹ, emwamwa nọ rrọọ na ya viọ ebe ọghomwa yo iko ughughan kevbe vbene a ya ru e vidio kevbe errẹkodi na ye ehọ vio.
Ehe Ne Erhunmwuyẹn Na Hẹwẹ: Ako na ẹre erhunmwuyẹn na rri evbare ne iran mu rre, ẹre imọto hia na vbe kun sie vbe ẹghẹ irhiẹdẹ.
Okotọ: Avbe okotọ rrọọ ni mu emwa lẹga.
Avbe Iwinna Na Mobọ Ru
Ma keghi print avbe ebe, ebe iyẹn, ebe ẹmu, kevbe asobọrrie vbe urhuẹvbo 150, a ghi vbe kun ẹnrẹn gie avbe iko ni arriaisẹn inu nọkhin ni rre otọẹvbo 20. Ma zedu avbe vidio kevbe ebe ni rhan otọe Baibol ghee urhuẹvbo ni gberra 20. Ugha iwinna na tiẹre Regional Design/Construction, ẹre ima ya ru iyobọ ye avbe Ọgua Arriọba na bọlọ vbe otọẹvbo 42 ni rre Afrika.