OWA ỌKHẸ (NA RUẸ VBE IKO) June 2020
Ako iruẹmwi ọghe August 3-30, 2020.
“Gia Ya Eni Ruẹ Khian Nọhuanrẹn”
Ako iruẹmwi 23: August 3-9, 2020. De ẹmwẹ ne kpataki nọ rre otọ nọ dekaẹn emwa nagbọn kevbe avbe odibosa? Vbọzẹe ne ẹmwẹ na, na ru ekpataki? De vbene ọ vbe ya dekaẹn ima hẹ? Ewanniẹn ọghe avbe inọta na kevbe ọghe avbe inọta ọvbehe ni dekaẹn ẹmwẹ na gha ya asikẹgbe ne ima gu e Jehova mwẹ wegbe sayọ.
“Gu Mwẹ Sẹtin Gha Ya Ekhọe Hia Mu Ohan Eni Ruẹ”
Ako iruẹmwi 24: August 10-16, 2020. Vbe ako iruẹmwi na, ma gha ziro yan abọ ọkpa vbe erhunmwu ne Ọba e Devid na, nọ rre ebe Psalm 86:11, 12. Vbe a yae kha, deghẹ a na wẹẹ na gha mu ohan eni e Jehova? Vbọzẹe nọ na khẹke ne ima gha ya ọghọ ne eni nọ hin okhuan nii? Ma ghaa mwẹ imuohan ọghe Osanobua, de vbene ọ gha ya ru iyobọ ne ima hẹ, ne ima ghẹ de ye edanmwẹ?
Inọta Ne Emwa Nọ
Avbe akpa na sunu yi vbe ebe Galatia 5:22, 23 ọkpa, ọre akpa ne “orhiọn nọhuanrẹn” ru iyobọ ne ọmwa ya gha mwẹ ra?
“I Gha Gualọ Avbe Ohuan Mwẹ Miẹn”
Ako iruẹmwi 25: August 17-23, 2020. Emwa eso rrọọ ni kpẹẹ re nẹ vbe ugamwẹ e Jehova, sokpan vbe okiekie, iran ghi sẹ e Jehova rae. Vbọsiẹ nọ na yerriọ? De aro ne Osanobua ya ghee emwa vbenian? Ma gha miẹn ewanniẹn ọghe avbe inọta na vbe ako iruẹmwi na. Ma gha vbe guan kaẹn emwi ne ima gha miẹn ruẹ vbe odẹ ne Jehova ya ru iyobọ ne eguọmwadia ọghẹe eso ni ghaa rrọọ vbe ẹghẹ nẹdẹ ni zẹ owẹ ihan vbe ovbiẹghẹ kherhe.
“Wa Dọlegbe Bu Mwẹ Gha Dee”
Ako iruẹmwi 26: August 24-30, 2020. E Jehova hoo ne emwa hia ni wii oghẹn werriegbe bu irẹn gha dee. E Jehova gie na tie iran wẹẹ: “Wa dọlegbe bu mwẹ gha dee.” Dọmwadẹ ima gha sẹtin rhie igiọdu ne etẹn ni wii oghẹn ni hoo ne iran miẹn itie na yi. Vbe ako iruẹmwi na, ma gha ziro yan vbene ima khian ya ru iyobọ ne iran hẹ.
