Ma ghaa tie Baibol, ma gha sẹtin loo emwi ughughan ne ima ya ruẹ emwi, ya rẹn ototọ emwi ne ima tie. Ẹ i re ne ima wa mieke na rẹn emwi ba emwi kẹkan ẹre ọ ya ima tie Baibol. Te ima hoo ne ima rẹn aro ọmwa ne Jehova khin, ọna ẹre ọ khian ya ima gele hoẹmwẹ ọnrẹn. Ne ima mieke na sẹtin ru ọna, ma sẹtin nọ egbe ima ọta na, ‘De emwi ne ako ọghe Baibol na ma mwẹ re vbekpa e Jehova?’

Ma sẹtin gualọ emwi nọ rhie ẹre ma wẹẹ, e Jehova mwẹ ahoẹmwọmwa, ẹwaẹn, ibuohiẹn ata kevbe ẹtin. Sokpan, ẹ i re ena hia ọkpa e Jehova mwẹ. Nibun ọvbehe wa ye rrọọ. Vbua khian ya sẹtin gualọ iran miẹn hẹ?

Ọ mwẹ emwi ọvbehe nibun ni gberra 50, nọ ya ima rẹn aro ọmwa ne Jehova khin, u gha sẹtin ya tie vbekpa avbe emwi na vbe Watch Tower Publications Index, u gha miẹn iran vbe ototọ uhunmwuta nọ khare wẹẹ, “Jehovah” u ghi ke evba la abọ uhunmwuta nọ khare wẹẹ, “Qualities by Name.” U ghi ru ezanzan yan ne ako ọghe Baibol ne u tie guan kaẹn. (Adeghẹ Research Guide for Jehovah’s Witnesses ọkpa ẹre u mwẹ, ghee ototọ uhunmwuta nọ khare wẹẹ, “Jehovah God” u ghi ke evba la abọ uhunmwuta nọ khare wẹẹ, “Jehovah’s Qualities.”)