Tie Gẹnẹsis 37:​23-28; 39:​17-23 ne u mieke na miẹn emwi ruẹ vbe odẹ ne Josẹf ya zin egbe vba ya obọ dan muẹn.

Mu ukpa mu uwerhẹn ghee emwi ne u tie. Vbọzẹ ne emwa na gha ya obọ dan mu e Josẹf? (Gẹn 37:​3-11; 39:​1, 6-10) Inu ẹghẹ ẹre Josẹf ya zin egbe vba ya obọ dan muẹn? (Gẹn 37:2; 41:46) Vbe uwu ẹghẹ na, de emwi ne Jehova ru ne Josẹf, de emwi nọ ma ru nẹẹn?​—Gẹn 39:​2, 21; w23.01 17 ¶13.

Gualọ otọ ọre sayọ. E Baibol ma tama ima wẹẹ, e Josẹf ghaa sinmwi oseghe ne egbe ẹre, vbe amwẹ e Pọtifa ba ẹre ifiẹzọ ohoghe. De vbene avbe ako ọghe Baibol na gha ya sẹtin ru iyobọ ne ima ya muẹn roro evbọzẹe ne Josẹf na hunwan, kevbe evbọzẹe ne Baibol ma na ta emwi hia nọ sunu ma ima? (Itan 20:2; Jọn 21:25; Iwinna 21:37) De emwi eso nọ ru iyobọ ne Josẹf ya zin egbe vba ya obọ dan muẹn?​—Mai 7:7; Luk 14:11; Jems 1:​2, 3.

Hia ne u rẹn emwi ne ako nii ma ruẹ re. Nọ egbuẹ wẹẹ:

• ‘De emwi eso nọ gha sẹtin sunu daa mwẹ rhunmwuda ne I na re ọrhuanegbe ọghe Jesu?’ (Luk 21:​12, 16, 17; Hib 10:​33, 34)

• ‘Vbia khian ru nian, ne I mieke na sẹtin zin egbe vbe emwa ghaa ya obọ dan mu mwẹ? (Psm 62:​7, 8; 105:​17-19; w19.07 2-7)