Uwẹ gbarokotọ tie avbe ebe Owa Ọkhẹ ọghe ukpo na ra? Adeghẹ erriọ nọ, hia ne u rhie ewanniẹn ye avbe inọta na:

De obọ nọ khẹke ne ima ya gha mu etẹn na hannọ zẹ?

Agharhemiẹn wẹẹ, ma gbọyẹmwẹ ye igiemwi esi ọghe iran, ma i ghee iran gidi. (Jud 16) Ma i vbe nọ iran vbene Osanobua ya hannọ iran zẹ hẹ, ra ọta ọvbehe vberriọ.—w20.01, ipapa 29.

Vbua ya rẹn wẹẹ e Jehova gele ya aro nọ ghaan ghee ruẹ?

E Baibol so igiẹ yọ wẹẹ, aro e Jehova ghaa sotọ vbe egbuẹ vbe ẹghẹ ne u na gha rre uwu akuọmọ. Ọ họn erhunmwu ruẹ. Ọ rẹn emwi ne u mu roro; emwi ne u ru gha sẹtin ya ẹko gha rhiẹnrhiẹn ọnrẹn, ọ sẹtin vbe ya ẹko gha rriara ẹre. (1 Krọ 28:9; Itan 27:11) Irẹn ẹre ọ vbe si ruẹ kẹ egbe.—w20.02, ipapa 12.

De ẹghẹ eso nọ khẹke ne ima ya guan kevbe ne ima ya hunwan?

Ma keghi ya oghọghọ tama emwa vbekpae Jehova. Ma vbe guan ladian vbe ima gha bẹghe ẹre wẹẹ ọmwa khian zẹ owẹ ihan. Ediọn gha bẹghe ọtẹn nọ khẹke na rhie adia na, iran ghi rhie adia nẹẹn. Ma gha miẹn etẹn ni rre ẹvbo ne a na mu awua ye iwinna ima, ma i zọlọ iran ọta vbekpa vbene iran ya ru iwinna ugamwẹ ọghe iran vbe odọ, ọ ma vbe khẹke ne etẹn ni rre otọ vberriọ gha tama emwa vbekpae ayahọmwaehọ vbenian. Ma i ya ẹmwẹ ẹkhokho voro.—w20.03, ipapa 20-21.

De vbene oghẹn irhiso ne ebe Joẹl 2 guan kaẹn ya lughaẹn ne ọghe ebe Arhie Maan 9?

Ebe Joẹl 2:20-29 keghi kha wẹẹ Osanobua gha khulo oghẹn irhiso kua, ọ ghi vbe dọlegbe rhie ne emwa rẹn, emwi hia ne oghẹn irhiso nii mu rhia. Vbe iyeke ọni, Osanobua ghi tue orhiọn nọhuanrẹn ọghẹe yan emwa rẹn. Ẹmwẹ akhasẹ na mwẹ amusẹ vbe ẹghẹ ne Babilọn ya mu okuo la otọ Izrẹl, abọ eso ye vbe mwẹ amusẹ vbe iyeke ẹghẹ nii. Ebe Arhie Maan 9:1-11 guan kaẹn etẹn na hannọ zẹ ni rrọọ vbe ẹghẹ ọghe ima, ni yevbe oghẹn irhiso. Iran yae wewe, ohiẹn ne Osanobua khian bu gbe agbọn Esu na; igiuhunmwu na keghi khia emwa ni ye agbọn na ike vbe ehọ.—w20.04, ipapa 3-6.

Gha re ọba ọghe okuọ vbe ẹdẹnẹrẹ?

E Russia kevbe avbe arriọba ni ye ẹre ike. Iran keghi zẹ eguọmwadia Osanobua ni rre ẹvbo ne iran khaevbisẹ yan kpokpo, iran ghi vbe mu awua ye iwinna ugamwẹ ọghe iran. Iran keghi rhiẹre ma wẹẹ, iran ma hoẹmwẹ Avbe Osẹe Jehova hiehie. Ọba ọghe okuọ keghi gu ọba ọghe ahọ suan.—w20.05, ipapa 13.

Avbe akpa na sunu yi vbe ebe Galatia 5:22, 23 ọkpa, ọre akpa ne “orhiọn nọhuanrẹn” ru iyobọ ne ọmwa ya gha mwẹ ra?

Ẹn o. Orhiọn nọhuanrẹn keghi ru iyobọ ne ima ya gha mwẹ avbe akpa esiesi ọvbehe, vbe na ghee iruemwiẹse. (Ẹfis 5:8, 9)—w20.06, ipapa 17.

De ẹbe nọ gha sẹtin lae rre deghẹ ima na gha mu efoto ọghe ima ra emwi ọvbehe nọ dekaẹn ima ye intanẹt?

Emwi ne ima mu ye intanẹt sẹtin ya emwa gha roro ẹre wẹẹ, te ima tọn egbe mu ra te ima ya emwi ne ima mwẹ ghagha.—w20.07, ipapa 6-7.

De emwi ne ima gha miẹn ruẹ vbe obọ avbe ọgbehẹn ni guẹ iwinna?

Ehe ne iran rẹnrẹn wẹẹ, iran gha na miẹn ehẹn gbe, ẹre iran yo. Ẹghẹ nọ khẹke ẹre iran ya yo. Iran loo emadogua nọ khẹke. Agharhemiẹn wẹẹ, ẹi khuẹrhẹ ugbẹnso, iran keghi ya udinmwẹ ru iwinna na. Erriọ ẹre ọ khẹke ne ima gha ru ẹre vbe ima ghaa kporhu.—w20.09, ipapa 5.

De odẹ eso ne ima gha ya ru iyobọ ne emwa ne ima gu ruẹ e Baibol, ne ahoẹmwọmwa ne iran mwẹ ne Jehova gha wegbe sayọ?

Ọ khẹke ne ima rhie igiọdu ne iran, ne iran gha tie Baibol vbe ẹdẹgbegbe, ne iran vbe gha ru erria yan rẹn. Ma ghi vbe maa iran re, vbene a ya na erhunmwu hẹ.—w20.11, ipapa 4.

De emwa ne Pọl ghaa mwẹ vbe ekhọe vbe ọ khare wẹẹ: “A gha vbe huẹn emwa hia kpaegbe rhunmwuda ighẹ iran re ọkpa ba e Kristi”?—1 Kọr 15:22.

Ẹi re te ukọ e Pọl ya ọna kha wẹẹ, emwa nagbọn hia ni wulo gha rhiọ kpaegbe. Etẹn na hannọ zẹ ẹre ọ ghaa guan kaẹn. (1 Kọr 1:2; 15:18)—w20.12, ipapa 5-6.

De emwi ne etẹn na hannọ zẹ khian ru, vbe iran gha ‘fi werriẹ vbe udemwurri, vbe ẹghẹ ne okpe ne okiekie gha na tu’?—1 Kọr 15:51-53.

Iran gha deba e Jesu fuẹn agbọn Esu na rua. (Arhie 2:26, 27)—w20.12, ipapa 12-13.