Iruẹmwi 16

Atamuolọyan Ọwuẹ ne u ya ga Osanobua

De emwi ne uwẹ gha ru ne u ya khin ọse ọghe Osanobua? (1, 2)

Vbe uwẹ a ya ru ayegbe fiohan ọwuẹ ma Osanobua hẹ? (1)

De ẹghẹ ne uwẹ khian ya dinmwiamẹ? (2)

Vbe uwẹ a ya miẹn ẹrhiọn hẹ ne u ya gha rrọọ vbe amuẹtinyan da Osanobua? (3)

1. Ne a do khin ọse ọghe Osanobua, te uwẹ gha mwẹ irẹnmwi nọma ọghe ẹmwata Baibol (1 Timoti 2:3, 4), muẹtinyan avbe emwi ne u he ruẹ (Hibru 11:6), ro iro fi uyinmwẹ werriẹ vbe avbe orukhọ ruẹ (Iwinna 17:30, 31), kevbe fiegbe werriẹ vbe okhian arrọọ owuẹ. (Iwinna 3:19) Vbe ẹghẹ na ahoẹmwọmwa ọwuẹ ghe Osanobua gha gu uwẹ kpaọ ne u ya ye egbe ruẹ fiohan ne irẹn. Ọna rhiema wẹ vbuwe erhunmwu obọ ruẹ, ne a naẹn vbe ẹkhokho uwẹ gha tama irẹn wẹ u khian rhie egbe ruẹ ne u ya ru iho ọghẹe.—Matiu 16:24; 22:37.

2. Vbiyeke vbe uwẹ ghi ye egbe ruẹ fiohan ne Osanobua nẹ, u ghi do dinmwiamẹ. (Matiu 28:19, 20) Idinmwiamẹ ghi do ye emwa hia rẹn wẹ uwẹ ye egbe ruẹ fiohan ne Jehova nẹ. Rhunmwudọni idinmwiamẹ keghi re ọghe eni ọkpa ni wan sẹ nẹ nọ gha ru atamuolọyan ne ọ ya ga Osanobua. Ugbẹn vbe ọmwa gha dinmwiamẹ egbe ẹre hia gha re na dinmwi ye uwu amẹ vbe obọvbobọ ni. *—Mak 1:9, 10; Iwinna 8:36.

3. Vbiyeke vbe uwẹ a ghi ru ayegbe fiohan nẹ, Jehova gha ho ne uwẹ gha yin zẹvbe nọ kaẹn eyan ruẹn. (Psalm 50:14; Asan-Ibo 5:4, 5) Esu gha hia ne ọ da ruẹ obọ ugamwẹ yi ghe Jehova. (1 Pita 5:8) Sokpan sikẹ Osanobua vbe uwu erhunmwu. (Filipai 4:6, 7) Gha ruẹ Ẹmwẹ ọnrẹn. (Psalm 1:1-3) Sikẹ iko khuan khuan khuan. (Hibru 13:17) Vbe ne u na ru ena hia, uwẹ gha miẹn ẹrhiọn ne u ya gha rrọ vbe amuẹtinyan da Osanobua. Vbe etẹbitẹ hia u gha sẹtin ru avbe emwi ne Osanobua hoo vbe obọ mwa!

[Evba gbẹnnẹ ye ototọ]