Iruẹmwi 6

De Emwi ne Ọre ne Arriọba Ọghe Osanobua?

De ako ne Arriọba ọghe Osanobua ye? (1)

Gha re Ọba ẹre? (2)

Emwa ọvbehe vbe mwẹ oghae na ya gue ne Ọba khaevbisẹ ra? Adeghẹ erriọ nọ, inu nọ? (3)

De emwi ne ọ rhie ẹre ma wẹ okieke ẹdẹ ẹre ima ye na? (4)

De emwi ne Arriọba ọghe Osanobua khian ru ne emwa nagbọn odaro? (5-7)

1. Vbe ẹghẹ ne irẹn na gha rre otagbọn, Jesu ma ekpọmwa rẹn re ne iran gha na erhunmwu ye Arriọba ọghe Osanobua. Arriọba ke ghi re ọdakha ne ọba na re uhunta. Arriọba ọghe Osanobua ke ghi re ọdakha kpataki. Ẹrinmwi ẹre a na muẹn gbọ kevbe ọ gha khaa yan otagbọn na. Ọ gha kpẹe huan, ra yae khien nọhuanrẹn, enni ọghe Osanobua. Ọ gha ye iho ọghe Osanobua khien ena ghi ru vbe otagbọn zẹ vbe na ru vbe ẹrinmwi.—Matiu 6:9, 10.

2. Osanobua yanrẹn wẹ Jesu ọ khian gha re Ọba ọghe Arriọba Ẹre. (Luk 1:30-33) Vbe ẹghẹ ne Jesu na gha rre otagbọn, ọ rhie ẹre ma wẹ irẹn gha he gha re Nọkhaevbisẹ nọfu, ọmwata, kevbe nọgbae. Vbe ẹghẹ ne irẹn na werriegbe gha rrie ẹrinmwi, a ma wa maẹn ẹre Ọba ọghe Arriọba Osanobua vbe ọwarọkpa ni. (Hibru 10:12, 13) Vbe 1914, Jehova ke ghi rhie ọdakha ne Jesu ne Irẹn ka yan ma rẹn. Ke ẹghẹ ni gha de, Jesu ke gha khaevbisẹ vbe ẹrinmwi zẹvbe Ọba ne Jehova maẹn.—Daniẹl 7:13, 14.

3. Jehova vbe hannọ ikpia kevbe ikhuo eso ni mwẹ amuẹtinyan vbe otagbọn nọ ghaa rrie ẹrinmwi. Iran gha gu Jesu gha kha zẹvbe ọba, ọbuohiẹn, kevbe ohẹn yan emwa nagbọn. (Luk 22:28-30; Arhie 5:9, 10) Jesu ke ghi tie avbe ne iran khian gba kha na vbe Arriọba ẹre “oghẹn kherhe.” Iran ke ghi re 144,000.—Luk 12:32; Arhie 14:1-3.

4. Vbobọ vbobọ ne Jesu wa ya khin Ọba, ọ ke ghi filo Setan kevbe edibo ẹre kua hin ẹrinmwi rre gha die ibozo vbe otagbọn na. Ọni ọre ọ siẹe ne emwi na khin nẹi ma vbe otagbọn ke ukpo 1914 gha de. (Arhie 12:9, 12) Okuo, ukhunmwu, emianmwẹ, ai mu uhi sẹ nọ ghi muan yọ—ena hia rre usun ọghe “emwi ne ọ gha sunu” nọ rhie ma wẹ Jesu kha nẹ kevbe wẹ emwamwa emwi na rre uwu okieke ẹdẹ nẹ.—Matiu 24:3, 7, 8, 12; Luk 21:10,11; 2 Timoti 3:1-5.

5. Vbe nẹi khian kpẹ Jesu gha buohiẹn emwa, wannọ iran zẹ vbe ne ọsuohuan wannọ ohuan hin ẹwe rre. Ne “ohuan” ọre eni ni rhie egbe iran ma zẹ vbe eni ni mwẹ ẹkoata ne irẹn khian kha yan. Iran gha miẹn arrọọ nẹi mwẹ ọfo vbe otagbọn. Ne “avbe ẹwe” ọre eni ni hee Arriọba ọghe Osanobua. (Matiu 25:31-34, 46) Vbe odaro nẹi khian kpẹ gbe, Jesu gha fuẹn iran hia rua eni na ya gie ẹwe. (2 Tẹsalonaika 1:6-9) Adeghẹ uwẹ ho ne u gha re ọkpa vbe uwu “ohuan” ọghe Jesu, te uwẹ gha daehọ igiuhun ọghe Arriọba kevbe winna yan emwi ne u ruẹ.—Matiu 24:14.

6. Nian otagbọn ke ghi re na ghae ye ihe agbẹnvbo nọbun. Dọmwadọghẹe mwẹ ọdakha ọghe obiran. Avbe agbẹnvbo na vbe ẹghẹ nọbun ke ghi gu egbiran gbinna. Sokpan Arriọba ọghe Osanobua gha rhie ihe ọdakha ọghe emwa nagbọn hia fẹrẹrẹ. Irẹn gha kha yan zẹ vbe ọdakha ọkpa kẹkan vbe uhun otagbọn hia fẹrẹrẹ. (Daniẹl 2:44) Vbe ẹghẹ ni okuo, uyinmwẹ isọtẹ, kevbe igbinnoguo i khian gha rrọ. Emwa hia ghi do gu egbe gha rrọ vbe ọfumwegbe kevbe akugbe.—Maika 4:3, 4.

7. Vbuwe Ukpo Arriaisẹn ne Jesu khian ya khaevbisẹ, emwa na muẹtinyan gha winna ne a ya ye atagbọn hia fẹrẹrẹ khien eparadais. Vbe ufomwẹ ọghe ne ukpo arriaisẹn nii, Jesu gha ru emwi hia fo nẹ ne Osanobua we ẹre ru. Vbe ẹghẹ ni irẹn ghi mu Arriọba ni werriegbe ye Erha obọ. (1 Kọrinti 15:24) Vbọzẹ ne u khian na tama avbe ọse ruẹ kevbe emwa ne u hoẹmwẹ ọnrẹn vbekpa emwi ne Arriọba ọghe Osanobua gharu?

 [Efoto nọ rre ipapa 13]

Vbe ototọ akhaevbisẹ ọghe Jesu, ai ghi miẹn ikhọẹko ra ohienku ọvbehe