E Baibol Na Ruẹ
Vbọzẹ nọ na khẹke ne Ivbi Otu e Kristi gha ruẹ Ebe Nọhuanrẹn vbe ẹghẹ hia?
Psm 1:1-3; Itan 18:15; 1 Tim 4:6; 2 Tim 2:15
Vbe ya ghee Iwinna 17:11
-
Igiemwi ni rre Baibol ni gha sẹtin ru iyobọ nuẹn:
-
Psm 119:97-101—Ọsihuan ọkpa keghi kha wẹẹ, te uhi Osanobua wa yẹẹ irẹn, ọ na vbe ya unu kaẹn ere ne irẹn he miẹn, rhunmwuda ne irẹn na lele uhi nii
-
Dan 9:1-3—Emwi ne Daniẹl ne akhasẹ tiere vbe Ebe Nọhuanrẹn ẹre ọ ru iyobọ nẹẹn ya rẹn wẹẹ, te ukpo 70 na wẹẹ Ivbi Izrẹl khian gbe vbe imu khian ghi sẹ ufomwẹ
-
Vbọzẹ nọ na khẹke ne ima ye gha tie Ẹmwẹ Osanobua vbe ẹghẹ hia?
-
Igiemwi ni rre Baibol ni gha sẹtin ru iyobọ nuẹn:
-
Itan 4:18—Zẹvbe ne ovẹn ya fẹko yan rre vbe owiẹ, uwanmwẹ ọnrẹn ghi gha mu otọ yọ, erriọ ẹre Jehova vbe ya fẹko ru iyobọ ne ọmwa nọ hoẹmwẹ ọnrẹn, nọ mieke na rẹn otọ avbe ẹmwata ni rre Ebe Nọhuanrẹn sayọ
-
Mat 24:45-47—Jesu keghi tae yotọ wẹẹ, irẹn gha zẹ “ọviẹn nọ gia mu ẹtin yan kevbe nọ mwẹ ẹwaẹn” nọ khian gha rhie evbare ne igiowa ọghe Osanobua vbe ẹghẹ nọ khẹke, vbe ẹdẹ okiekie
-
Vbọzẹ ne ẹwaẹn ne ima miẹn vbe Baibol na maan sẹ ẹwaẹn na miẹn vbe ebe ne emwa nagbọn tobọ iran gbẹnnẹ ladian?
Asan 12:11-13; 1 Kọr 3:19; 1 Tim 6:20, 21; 2 Pit 1:19-21
De emwi ne Jehova wẹẹ irẹn gha rhie ne emwa ni ya ẹkoata ruẹ e Baibol?
Itan 2:4-6; 9:10; Jọn 6:45
Ma ghaa hoo ne ima miẹn ere vbe Baibol ne ima ruẹ, vbọ khẹke ne ima na erhunmwu yi?
Luk 11:13; 1 Kọr 2:10; Jems 1:5
Vbe ya ghee Psm 119:66
Vbọzẹ nọ na khẹke ne ima gha rri evbare orhiọn hia, ne “ọviẹn nọ gia mu ẹtin yan kevbe nọ mwẹ ẹwaẹn” kpemehe ẹre?
Vbe ya ghee Mat 4:4; 1 Tim 4:15
Vbọzẹ nọ na khẹke ne ima hia ne ima gha mwẹ irẹnmwi hia nọ gbae nọ rre Ebe Nọhuanrẹn, vbene a i na rhie ọkpa fua vbọ?
Vbọzẹ nọ na khẹke ne ima hia ne ima gha mwẹ ẹwaẹn kevbe ekhọe na ya rẹn otọ emwi?
Itan 4:7; Asan 7:25
Vbọzẹ nọ na khẹke ne ima fẹko gbarokotọ gha tie Ebe Nọhuanrẹn, ne ima vbe gha mu emwi ne ima tie roro?
Jọs 1:8; Psm 1:2
Vbọzẹ nọ na khẹke ne ima gha muẹn roro, vbene ima khian ya loo emwi ne ima tie vbe Ẹmwẹ Osanobua hẹ vbe ẹdagbọn ima?
Vbọzẹ nọ na khẹke ne ima gha muẹn roro, vbene ima khian ya tama emwa ọvbehe hẹ vbekpa emwi ne ima miẹn ruẹ vbe Ẹmwẹ Osanobua?
Itan 15:28; 1 Pit 3:15
De ere ne ima khian miẹn deghẹ ima na gha ruẹ vbekpa avbe ẹmwata ni rre Ebe Nọhuanrẹn kugba ke ẹghẹ?
-
Igiemwi nọ rre Baibol nọ gha sẹtin ru iyobọ nuẹn:
-
Diut 6:6, 7; 11:18-20—E Jehova keghi tama Ivbi Izrẹl ne iran gha loo ẹkpotọ nọ rhirhi kie, ne iran ya gha ma ivbi iran avbe uhi ọghe irẹn
-
De ere nọ rrọọ deghẹ ẹgbẹe na koko gha ruẹ Ebe Nọhuanrẹn?
-
Igiemwi ni rre Baibol ni gha sẹtin ru iyobọ nuẹn:
-
Gẹn 18:17-19—E Jehova kegha hoo ne Ebraham ma emwa ni rre igiowa ẹre, ne iran gha họn ẹmwẹ ne irẹn kevbe ne iran gha ru emwi nọ yẹẹ irẹn
-
Psm 78:5-7—Te Ivbi Izrẹl gha ma ivbi iran emwi vbekpa e Jehova, ne orre nọ dee mieke na mu ẹtin yan e Jehova
-
De ere ne ima miẹn, vbe ima ghaa ruẹ e Baibol kugbe vbe uwu iko?
Vbe ya ghee Itan 18:1
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
