Igiemwi ni rre Baibol ni gha sẹtin ru iyobọ nuẹn:

• Lẹv 22:​17-22​—E Jehova keghi tama Ivbi Izrẹl wẹẹ, iran gha khian zọ ese gie irẹn, ne iran loo aranmwẹ “ne egbe gba na,” nẹi mwẹ okan vbe egbe; ẹmwẹ e Hibru na ke zedu “ne egbe gba na,” vbe khọ ẹmwẹ e Hibru na ke zedu “imudiase”; ọna rhie ma wẹẹ, a gha wẹẹ ọmwa mudia ẹse, ekhọe hia ẹre ọmwa nii ya ga e Jehova

• Job 1:​1, 4, 5, 8; 2:3​—Okha ọghe Job ya ima rẹn wẹẹ, a ke kha wẹẹ ọmwa mudia ẹse, ọ ghi gha re ọmwa nọ kakabọ rhie ọghọ ne Jehova, nọ ya ekhọe hia gae kevbe nọ vbe lẹẹ ne emwi ke emwi ne Jehova ghi ka ye emwi dan nẹ

Igiemwi ni rre Baibol ni gha sẹtin ru iyobọ nuẹn:

• Job 31:​1-11, 16-33​—Vbene Job ya loo ẹdagbọn rẹn ya ima rẹn wẹẹ, ọmwa nọ mudia ẹse ghaa nọ; ọ ma gha mwẹ obọ vbe uyinmwẹ esakan rhọkpa, ọ na vbe gha ya obọ esi mu emwa ọvbehe. Ugamwẹ nọhuanrẹn ẹre ọ ghaa rhie ne Jehova, ọ ma gha mwẹ obọ vbe igẹbọ, ọ keghi hoẹmwẹ e Jehova sẹ ẹfe nọ mwẹ

• Dan 1:​6-21​—Agharhemiẹn wẹẹ, uwu ẹbu emwa nẹi ga e Jehova ẹre Daniẹl kevbe avbe ọsiọre eha ghaa ye, te iran wa ye mudia ẹse, iran na kue gha lele iyi ne Jehova yi vbe nọ dekaẹn aro evbare nọ khẹke ne iran gha re