Jesu Kristi
De odẹ ne kpataki ne Jehova ya loo e Jesu ya mu emwamwa ọghẹe sẹ?
Iwinna 4:12; 10:43; 2 Kọr 1:20; Fil 2:9, 10
Vbe ya ghee Itan 8:22, 23, 30, 31; Jọn 1:10; Arhie 3:14
-
Igiemwi ni rre Baibol ni gha sẹtin ru iyobọ nuẹn:
-
Mat 16:13-17—Ukọ e Pita keghi kha wẹẹ, Jesu ọre Kristi kevbe Ovbi Osanobua
-
Mat 17:1-9—Egbe Jesu keghi fi werriẹ sirra ukọ ẹre eha; iran na vbe họn ẹmwẹ ne Jehova ke ẹrinmwi ta vbekpa e Jesu
-
Vbọ ya e Jesu lughaẹn ne emwa nagbọn nikẹre?
Jọn 8:58; 14:9, 10; Kọl 1:15-17; 1 Pit 2:22
-
Igiemwi ni rre Baibol ni gha sẹtin ru iyobọ nuẹn:
-
Mat 21:1-9—Vbe ẹghẹ ne Jesu na la e Jerusalẹm zẹvbe ọba, ọ keghi muẹn sẹ, ẹmwẹ ne Ebe Nọhuanrẹn tae yotọ vbekpa Ọba ne Jehova zẹ
-
Hib 7:26-28—Ukọ e Pọl keghi gi ima rẹn vbene Jesu nọ re Ogie Ohẹn nọ yo sẹ ya lughaẹn ne avbe ogie ohẹn nikẹre hẹ
-
De emwi ne avbe iwinna ọyunnuan ne Jesu ru, ma ima ẹre vbekpa e Jesu kevbe Erhae?
-
Igiemwi ni rre Baibol ni gha sẹtin ru iyobọ nuẹn:
-
Mat 4:23, 24—Jesu keghi rhie ẹre ma wẹẹ, irẹn mwẹ ẹtin sẹ avbe orhiọn dan kevbe wẹẹ, irẹn gha sẹtin mu ọmwa nọ khuọnmwi emianmwẹ nọ rhirhi gha khin egbe rran
-
Mat 14:15-21—Jesu keghi ya ebrẹd isẹn kevbe ehẹn eva koko emwa arriaisẹn nibun vbe odẹ ọghe ọyunnuan
-
Mat 17:24-27—Jesu keghi ru emwi ọyunnuan ọkpa, nọ ghi zẹe ighẹ e Pita miẹn igho nọ ya zẹ igho uhunmwu ọghe ọgua Osa, ne iran ghẹ mieke na ru emwi nọ gha ya emwa ọvbehe rrua owẹ
-
Mak 1:40, 41—Jesu ghi bẹghe ọkhọnmwọ oti ọkpa, ọ keghi mu ẹre egbe rran, rhunmwuda ne ohan rẹn na gha to ẹre; ọna rhie ma wẹẹ, Jesu wa hoo nọ mu emwa ni khuọnmwi egbe rran
-
Mak 4:36-41—Vbe ẹghẹ ne ogbigbi ẹhoho na gha la, Jesu na we nọ dobọ yi, ọna rhie ma wẹẹ, Jesu mwẹ asẹ yan okpẹhoho, okpamẹ kevbe emwi ọvbehe ni ye vberriọ
-
Jọn 11:11-15, 31-45—Vbe ẹghẹ ne ọsie Jesu ighẹ e Lazarọs ya wu, Jesu keghi viẹ; vbe iyeke ọni, ọ keghi huẹn ọnrẹn kpaegbe, nọ ya rhie ẹre ma wẹẹ, uwu kevbe obalọ ne uwu si ye emwa egbe i ya ẹko rhiẹnrhiẹn irẹn
-
De ẹmwẹ ne Jesu mobọ ya gha kporhu?
De emwi eso ni maan na rẹn Jesu yi vbe ọ rre agbọn na? Ghee odẹ eso ne Jesu ya rhie ẹre ma wẹẹ, irẹn keghi re . . .
Ọmwa nọ din—Mat 4:2-11; Jọn 2:13-17; 18:1-6
Ọmwa nọ gia sikẹ—Mat 13:2; Mak 10:13-16; Luk 7:36-50
Ọmwa nọ họn ẹmwẹ—Luk 2:40, 51, 52; Hib 5:8
Ọmwa nọ mu egbe rriotọ—Mat 11:29; 20:28; Jọn 13:1-5; Fil 2:7, 8
Ọmwa nọ mwẹ ahoẹmwọmwa—Jọn 13:1; 14:31; 15:13; 1 Jọn 3:16
Ọmwa nọ mwẹ ẹnina; nọ mwẹ itohan—Mak 5:25-34; Luk 7:11-15
Ọmwa nọ mwẹ ẹwaẹn—Mat 12:42; 13:54; Kọl 2:3
Vbọzẹ ne Jesu na ya arrọọ ọghẹe zọ ese? De vbene izọese nọ ru ya ru iyobọ ne ima hẹ?
Vbọzẹ nọ na khẹke ne ima gha ghọghọ wẹẹ, Jesu Kristi kha nẹ zẹvbe Ọba vbe ẹrinmwi?
Psm 72:12-14; Dan 2:44; 7:13, 14; Arhie 12:9, 10
-
Igiemwi ni rre Baibol ni gha sẹtin ru iyobọ nuẹn:
-
Psm 45:2-7, 16, 17—Ako na ya ima rẹn wẹẹ, Ọba ne Osanobua zẹ gha khọnmiotọ yan eghian rẹn hia, ọ ghi ya ẹmwata, imuegberriotọ kevbe iruemwiẹse gha khaevbisẹ
-
Aiz 11:1-10—Jesu ghaa kha yan uhunmwu otagbọn nẹ zẹvbe Ọba, ọ gha ya agbọn na khian e paradais ọghe ọfunmwegbe
-
De emwi ne Jesu khian ru vbe nẹi khian ghi kpẹẹ gbe?
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
