Igiemwi ni rre Baibol ni gha sẹtin ru iyobọ nuẹn:

• Mat 4:​8-10​—Setan keghi tama e Jesu wẹẹ, ọ gha fan fi iguẹ rhie ugamwẹ ne irẹn vbe uhukpa kẹkan, irẹn gha mu arriọba hia ni rre otagbọn nẹẹn; sokpan, Jesu ma kue yọ ẹre, rhunmwuda, ọ rẹnrẹn wẹẹ, e Jehova ọkpa ẹre ọ khẹke ne irẹn ga

• Arhie 19:​9, 10​—Odibosa ọkpa ma kue ne ukọ e Jọn rhie ugamwẹ nẹẹn

Igiemwi ni rre Baibol ni gha sẹtin ru iyobọ nuẹn:

• Aiz 1:​10-17​—E Jehova i miẹn ọnrẹn yi, ugamwẹ ọghe emwa okeke ni kha wẹẹ, iran ga Osanobua, sokpan, iran i ya ilele ọghẹe ru emwi

• Mat 15:​1-11​—Ẹmwẹ ne Jesu tae ya ima rẹn wẹẹ, e Jehova i khian miẹn ugamwẹ ọghe ima yi deghẹ ima na gi ilele ọghe emwa nagbọn gha dia ima, ne ima gha te ya gha lele uhi ọghe irẹn

Igiemwi ni rre Baibol ni gha sẹtin ru iyobọ nuẹn:

• Iwinna 2:​40-42​—Vbe ẹghẹ ọghe avbe ukọ, Ivbi Otu e Kristi kegha si egbe koko na erhunmwu, iran na gha ya egbe rhorho egbe, erriọ ẹre iran vbe ya gha ruẹ Ebe Nọhuanrẹn kugbe

• 1 Kọr 14:​26-40​—Ukọ e Pọl keghi tama etẹn wẹẹ, iran gha si egbe koko gha do iko, ne iran gi emwi hia gha khian hẹnnẹhẹnnẹ, iko ne iran do ghi vbe gha re nọ rhie igiọdu ne ọmwa, ne emwa hia mieke na rẹn otọ emwi na ma emwa ẹre

Igiemwi ni rre Baibol ni gha sẹtin ru iyobọ nuẹn:

• Hib 11:6​—Ukọ e Pọl keghi gi ima rẹn wẹẹ, ma ghaa hoo ne ima sẹtin ga e Jehova vbe odẹ nọ gha ya miẹn ọnrẹn yi, ọ khẹke ne ima gha mwẹ amuẹtinyan

• Jems 2:​14-17, 24-26​—E Jems ne irẹn vbe Jesu gba re ivbi iye keghi kha wẹẹ, ọmwa gha kha wẹẹ, irẹn mwẹ amuẹtinyan, te ọ khẹke nọ rhiegbe ma vbe emwi nọ ru; amuẹtinyan ne ima mwẹ ẹre ọ gua ima kpa ya ru emwi ne ima ru