ABỌ 3
De Vbene Arrọọ Ghaa Ye Hẹ Vbe Paradais?
E Jehova keghi viọ emwi esi nibun ne Adam vbe Ivi. Gẹnẹsis 1:28
E Jehova keghi yi okhuo nokaro na tie ẹre Ivi, ọ na yae ne Adam nọ gha re ọvbokhan rẹn.—Gẹnẹsis 2:21, 22.
Vbe Jehova yi iran, ọ keghi rhie ukhuegbe kevbe ekhọe nọ gbae ne iran, iran ma gha mwẹ okan rhọkpa.
E Paradais ẹre Osanobua viọ iran yi, ogba ọghe Idẹni ẹre a ghaa tie Paradais nii. Te ogba nii wa ye mose mose—ẹzẹ, avbe ọmọ erhan kevbe aranmwẹ ughughan wa gha rre uwu ẹre.
E Jehova kegha gu iran guan; ọ na vbe gha maa iran emwi. Akpawẹ iran họn ẹmwẹ ne Osanobua, te iran gha te gha rre Paradais vbe etẹbitẹ vbe uhunmwu otagbọn na.
Osanobua wẹẹ ne iran ghẹ rri ọmọ erhan ọkpa vbe ogba nii. Gẹnẹsis 2:16, 17
E Jehova keghi gie ọmọ erhan ọkpa nọ rre ogba nii ma Adam vbe Ivi, ọ na tama iran wẹẹ iran gha rriọe, iran gha wu.
Odibosa ọkpa keghi sọtẹ daa Osanobua. Odibo dan nii, ẹre a tiẹre Setan kevbe Esu.
E Setan ma hoo ne Adam vbe Ivi họn ẹmwẹ ne Jehova. Rhunmwuda ọni, ọ keghi loo ẹyẹn ya tama Ivi wẹẹ, ọ gha rri ọmọ erhan nii, ẹi khian wu sokpan ọ ghi do gha yevbe Osanobua. Ohoghe nọkhua ẹre ọni wa gha khin.—Gẹnẹsis 3:1-5.
You May Also Like
ESSENTIAL BIBLE TEACHINGS
Vbọzẹe Ne Osanobua Na Yi Agbọn Na?
Te uhunmwu otagbọn na ye mose mose. Uhunmwu otagbọn na ma rree ne ovẹn gbe, ọ ma vbe sikẹ ọre gbe, agharhemiẹn wẹẹ te uhunmwu otagbọn na han ghee obọkpa, eke nọ khẹke ẹre ọ ye ye, odẹ ne uhunmwu otagbọn na ya lẹga ovẹn keghi re nọ wa rre oreghe. Vbọzẹe ne Osanobua na wa yi agbọn na nọ gha mose vbenia?
