ABỌ 10
De Avbe Afiangbe Ne Emwa Ni Danmwehọ Osanobua Khian Miẹn Vbe Odaro?
Emwa nibun ni wulo gha rhiọkpaegbe, iran ghi vbe gha rre agbọn na. Iwinna 24:15
Muẹn roro avbe afiangbe ne u khian miẹn vbe odaro deghẹ u na họn ẹmwẹ ne Jehova! U i khian ghi gha khuọnmwi hiehie; ai ghi miẹn ọmwa ne egbe ma rran, ra ne egbe ma gba na. Ai ghi miẹn emwa dan, emwa hia ghi gha re ne a gba ẹko ẹre.
Ai ghi miẹn obalọ, akhiẹ ra eve. Ọmwa rhọkpa i khian ghi gha khian ọmaẹn, ọmwa rhọkpa i khian vbe gha wu.
Avbe ọse ruẹ kevbe ẹgbẹe ruẹ ghi gha ya egbe rhorho ruẹ. Te a khian wa gha sọyẹnmwẹ vbe Paradais.
Ai khian ghi gha mu ohan. Emwa ghi gha mwẹ oghọghọ nọ sẹ otọ ẹko.