ABỌ 11
E Jehova Danmwehọ Ima Ra?
Osanobua wa họn erhunmwu ọghe ima. 1 Pita 3:12
E Jehova ọre Osa nọ “họn erhunmwu.” (Psalm 65:2) Ọ hoo ne ima gha fannọ otọ ẹko ọghe ima ma irẹn.
Ghẹ na erhunmwu gie ọmwa ọvbehe vbọ gberra e Jehova.
1 Jọn 5:14
Ma gha sẹtin na erhunmwu vbekpa emwi nibun.Gha na erhunmwu na ru ahoo ọghe Osanobua vbe agbọn na kevbe ẹrinmwi.
Gha na erhunmwu vbe eni Jesu, ne u ya rhiẹre ma wẹẹ u gbọyẹmwẹ ye emwi ne ọ ru nuẹ.
Gha rinmwian e Jehova ne ọ ru iyobọ nuẹ ne u gha ru emwi esi. U sẹtin vbe rinmwiaẹn ne ọ ru iyobọ nuẹ ne u gha mwẹ evbare, iwinna, owa, ukpọn kevbe egberranmwẹ.