‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’
Ebe na guan kaẹn vbene a ya mu iko ọghe Ivbi Otu e Kristi gbọọ hẹ kevbe vbene ọ ya kaan ima vbe ẹdẹnẹrẹ.
Emapu
Emapu ọghe ehe ne emwa mobọ tie ẹre Otọ Nọhuanrẹn vbe ẹghẹ ne ima ye na kevbe ọghe ehe ughughan ne ukọ e Pọl mu okhian la vbe ẹghẹ nọ na gha kporhu.
Elẹta Ne Ẹbu Nọ Su Gbẹn Rre
Vbọzẹ ne ima gha na sẹtin gha mwẹ ilẹkẹtin wẹẹ, Osanobua rre ima iyeke zẹvbe ne ima ya ‘ta ẹmwẹ Arriọba Osanobua ma emwa ẹsẹsẹmwẹse’ vbene egbe i na wọọ ima?
UHUNMWUTA 1
“Wa Gha Khian, Ne Uwa Ya Ya Emwa . . . Khian Erhuanegbe”
Jesu keghi tae yotọ wẹẹ, a gha kporhu iyẹn nọ maan ọghe Arriọba vbe agbẹnvbo hia. De vbene ẹmwẹ akhasẹ na ya sẹ hẹ?
UHUNMWUTA 2
“Wa Ghi Ya Sẹ Osẹ Mẹ”
De vbene Jesu ya mu avbe ukọ ẹre egbe yotọ, ne iran mieke na sẹtin gha mu asanikaro vbe iwinna ikporhu?
UHUNMWUTA 3
“Iran Hia Keghi Vuọn Ne Orhiọn Nọhuanrẹn”
De iyobọ ne orhiọn nọhuanrẹn ghaa ye, vbe nọ dekaẹn vbene a ya mu iko ọghe Ivbi Otu e Kristi gbọọ hẹ?
UHUNMWUTA 4
“Emwa Kẹkan Ni Ma Yo Owebe”
Avbe ukọ keghi ya udinmwẹ zẹ emwi ru, e Jehova na vbe fiangbe iran.
UHUNMWUTA 5
“Osanobua Nọ Khaevbisẹ Ẹre Ima Gha Họn Ẹmwẹ Na”
Avbe ukọ keghi rhie igiemwi yotọ nọ khẹke ne Ivbi Otu e Kristi ọghe ẹmwata hia rhie owẹ lele.
UHUNMWUTA 6
“E Stivin Kegha Re Ọmwa Ne Ẹmwẹ Ọnrẹn Yẹẹ Osanobua Ẹsẹse,” Ọ Na Vbe “Ya Ẹtin We Ẹre”
De emwi ne ima gha sẹtin miẹn ruẹ vbe obọ e Stivin vbe odẹ nọ ya ya udinmwẹ guan vbe ọ mudia vbe odaro ekọtu nọ yo ọghe Ivbi e Ju?
UHUNMWUTA 7
“Ọ Na Gha Kporhu Iyẹn Nọ Maan . . . Vbekpa E Jesu”
E Filip keghi rhie igiemwi nọ maan yotọ zẹvbe ọmwa nọ kporhu iyẹn nọ maan.
UHUNMWUTA 8
“Egbe Keghi Rọkhọ Iko Hia”
E Sọl nọ te zẹ Ivbi Otu e Kristi kpokpo, khian ọmwa nọ ghi ya oyaya kporhu.
UHUNMWUTA 9
“Osanobua I Gbe Ewanmwẹ Ghee Obọ Ọkpa”
Ẹkpotọ keghi kie ne ivbi agbẹnvbo ọvbehe ni ma rhuẹ ya họn iyẹn nọ maan.
UHUNMWUTA 10
“Ẹmwẹ Ọghe Jehova Kegha Vẹwae Khian”
A fan e Pita vbe eghan; ukpokpo ma sẹtin mu idobo yọ ne iwinna ikporhu iyẹn nọ maan ghẹ vẹwae.
UHUNMWUTA 11
“Ẹghẹ Hia Ẹre Avbe Erhuanegbe Ya Gha Ghọghọ, Iran Na Vbe Vuọn Ne Orhiọn Nọhuanrẹn”
E Pọl keghi rhie igiemwi esi yotọ, vbe nọ dekaẹn obọ nọ khẹke na ya gha mu emwa ni gbodan ni ma hoo ne iran danmwehọ.
UHUNMWUTA 12
“E Jehova Na Rhie Ẹtin Ne Iran, Ne Iran Ya Gha Ya Udinmwẹ Gu Emwa Guan”
E Pọl vbe Banabas keghi rhie ẹre ma wẹẹ, emwa ni mu egbe rriotọ ẹre iran khin, iran ma gi egbe wọọ iran, iran na vbe mu egbe ne iran ya fi obẹlẹ ne iran ya kporhu werriẹ.
UHUNMWUTA 14
“Ma Na Ghi Koko Zẹ . . . Iro”
U gha bẹghe vbene ẹbu nọ su ya zuze ye ẹmwẹ arhuẹ hẹ kevbe vbene azẹ ne iran ru ya ya iko gha mwẹ akugbe hẹ.
UHUNMWUTA 15
“Ọ Na Gha Rhie Igiọdu Ne Etẹn Ni Rre Iko”
Etẹn ni mu okhian yo ehe ughughan keghi ru iyobọ ne etẹn ni rre iko ne amuẹtinyan ọghe iran mieke na gha wegbe sayọ.
UHUNMWUTA 16
“Gha Die Masẹdonia”
Afiangbe nibun keghi lae rre, rhunmwuda ne iran na miẹn iwinna na mu ne iran yi, kevbe ne iran na ye gha sọyẹnmwẹ agharhemiẹn wẹẹ, a ghaa zẹ iran kpokpo.
UHUNMWUTA 17
“Ọ Na Gha Ya Ebe Nọhuanrẹn Gu Emwa Ni Rre Evba Zẹ Iro”
E Pọl keghi kporhu iyẹn nọ maan ẹsẹsẹmwẹse ma Ivbi e Ju ni rre Tẹsalonaika kevbe Bẹria.
UHUNMWUTA 18
“Gualọ Osanobua,” U “Gha Sẹtin Miẹn Ọnrẹn”
Ne Pọl na hia nọ ta ẹmwẹ ne emwa ne irẹn gu guan yayi, ne irẹn tobọ irẹn vbe yayi, de vbene ọna ya kie ẹkpotọ nẹẹn hẹ, nọ ya kporhu ma iran?
UHUNMWUTA 19
“Wa Gha Kporhu Khian, Ghẹ Da Unu Yi”
De emwi ne ima gha miẹn ruẹ vbe iwinna ne Pọl ru vbe Kọrint, nọ gha ru iyobọ ne ima ya gha ta ẹmwẹ Arriọba Osanobua ma emwa ẹsẹsẹmwẹse?
UHUNMWUTA 20
Agharhemiẹn Wẹẹ Iran Miẹn Igbodan, Ẹmwẹ Osanobua Na “Gha Vẹwae Yọ . . . , Ọ Na Vbe Gha Mu Otọ Yọ”
U gha bẹghe vbene Apọlọs vbe Pọl ya loo ẹrhiọn yọ hẹ, ne iwinna ikporhu iyẹn nọ maan mieke na gha vẹwae.
UHUNMWUTA 21
“Esagiẹn Ọmwa Rhọkpa I Ghi Rrọ Mwẹ Urhu”
E Pọl kegha ya oyaya kporhu, ọ na vbe bu ediọn ude.
UHUNMWUTA 22
“Gi Ẹre Gha Ye Vbene Jehova Gualọe Yi”
E Pọl keghi ta mu olọ yan rẹn wẹẹ, ahoo ọghe Osanobua ẹre irẹn khian ru, rhunmwuda ọni, ọ na mu uhunmwu daa e Jerusalẹm.
UHUNMWUTA 23
“Wa Danmwehọ Ẹmwẹ Ne I Khian Ta Ya Zẹ Enunu Mwẹ”
E Pọl keghi sinmwi oseghe ne emwi nọ yayi vbe odaro emwa ne ohu mu ni ghaa gbe olighi kevbe emwa ni rre iko e Sanhẹdrin.
UHUNMWUTA 24
“Ghẹ Gi Ohan Mu Ruẹ!”
E Pọl keghi lẹẹ fe vbe obọ emwa ni te hoo ne iran gbe ẹre rua, ọ na vbe zẹ enunu ẹnrẹn vbe odaro e Fẹlis ne Gọvinọ.
UHUNMWUTA 25
“I Hoo Na Mu Ẹzọ Na Gha Rrie Ọghe Siza!”
E Pọl keghi rhie igiemwi esi yotọ vbe nọ dekaẹn na gha sinmwi oseghe ne iyẹn nọ maan.
UHUNMWUTA 26
“Ọkpa I Rrọọ Vbe Uwu Uwa Nẹi Khian Miẹn Uhunmwu”
Vbe okọ ne Pọl la re khian ni, ọ keghi rhie ẹre ma wẹẹ, irẹn mwẹ amuẹtinyan nọ wegbe kevbe wẹẹ, irẹn hoẹmwẹ emwa.
UHUNMWUTA 27
‘Gha Ta Ẹmwẹ Arriọba Osanobua Ẹsẹsẹmwẹse’
Agharhemiẹn wẹẹ, e Pọl ghaa rre eghan vbe Rom, te ọ ye gha kporhu.
UHUNMWUTA 28
“Ya Sẹ Ehe Nọ Ghi Rree Sẹ Vbe Agbọn Na”
Iwinna ne Avbe Osẹe Jehova ru, keghi re iwinna ne erhuanegbe Jesu suẹnrẹn vbe odẹ ukpo 2,000 nọ gberra.
Eke Na Na Rhan Otọ Edọmwadẹ Efoto
Avbe efoto ni mobọ ru ekpataki na loo ro vbe ebe na.
