Vbe abọ na, ma gha ruẹ vbekpa vbene emwa ne ohu mu ni ghaa gbe olighi ya werriẹ aro daa e Pọl, vbene a ya mu e Pọl ye eghan hẹ vbe ẹghẹ ughughan, kevbe vbene ọ ya mudia ye odaro emwa ughughan ni rre ukpo ọdakha vbe arriọba e Rom. Vbe uwu ena hia, e Pọl na ye gha ta ẹmwẹ Arriọba Osanobua ma emwa ẹsẹsẹmwẹse. Zẹvbe ne u ya zẹ iro yan avbe okha na ni gbe ọmwa otiti ni rre ufomwẹ ọghe ebe Iwinna, nọ egbuẹ wẹẹ, ‘De vbene imẹ khian ya sẹtin ya egbe taa e Pọl hẹ, zẹvbe nọ ya gha ya udinmwẹ kevbe oyaya kporhu?’