IRUẸMWI 13
Gi Emwi Ne U Hoo Ne U Rhie Ladian Dewuarorua
Itan 3:21
UHUNMWU ẸMWẸ: Rhan otọre ma emwa ni danmwehọ ruẹ vbene ẹmwẹ ne u guan kaan ya dekaan arrọọ ọghe iran hẹ. Khama iran vbene iran khian ya rhie emwi ne iran ruẹ re ye uyinmwẹ hẹ.
VBENE A YA RU ẸRE HẸ:
-
Gha mu ẹmwẹ iran ni khian danmwehọ ruẹ roro. Roro evbọzẹe ne ẹmwẹ ne u ta na ru ekpataki ne emwa ni danmwehọ ruẹ, kevbe abọ nọ mobọ khin vbe uhunmwuta ne u guan kaan nọ gha ru iyobọ ne iran.
-
Ke omuhẹn ọghe ọta ruẹ ya sẹ ufomwẹ, ọ khẹke ne emwa ne u gu guan rẹn emwi nọ khẹke ne iran ru. Ọ khẹke na miẹn wẹẹ zẹvbe ne u ya guan, emwa ni danmwehọ ruẹ ghi gha tae vbe ekhọe iran wẹẹ ‘mẹ ẹre ẹmwẹ na wa dekaan.’ Zẹvbe ne u ya guan yan dọmwadẹ uhunmwu ẹmwẹ, u ghi vbe gi emwa ne u gu guan rẹn vbene iran khian ya rhiẹre ye uyinmwẹ hẹ. Wa sunu yọ taara ighẹ emwi nọ khẹke ne iran ru.