IRUẸMWI 17
Ọ Khẹke Ne Emwa Rẹn Otọ Ẹmwẹ Ne U Ta
1 Kọrinti 14:9
UHUNMWU ẸMWẸ: Ru iyobọ ne emwa ni danmwehọ ruẹ ne iran rẹn otọ evbọ demu ighẹ ẹmwẹ ne u ta.
VBENE A YA RU ẸRE HẸ:
-
Muegbe ẹre yotọ ẹsẹsẹmwẹse ighẹ ẹmwẹ ne u khian ya guan. Ọ khẹke ne u rẹn ototọ uhunmwuta ne u khian guan yan sẹrriọ wẹẹ, u ghi sẹtin loo ẹmwẹ ọghe obọ ruẹ ya rhan otọre.
-
Loo ifiẹmwẹ ne khuẹrhẹ kevbe ne kuẹi. Ọ ma de emwi nọ rhia deghẹ u na loo ifiẹmwẹ nọ taẹn, vbọrhirhighayehẹ, u ghi loo ifiẹmwẹ ne kuẹi ya rhie avbe olika ẹmwẹ ni rrọọ ladian.
-
Gbe ẹre wanniẹn ighẹ ẹmwẹ eso ne emwa ma he ka họn. Ghẹ gha loo ifiẹmwẹ ne emwa ne u gu guan i mobọ họn vbe ẹghẹ hia. Deghẹ esa rrọọ ne u ya sunu ye ẹmwẹ ne emwa i mobọ họn, ra ọmwa ne Baibol guan kaan ne emwa ma mobọ rẹn ra ilele ne emwa ma mobọ yẹrẹro, ọ khẹke ne u rhan otọre.
