IRUẸMWI 14
Vbọ Khian Ya Osanobua Miẹn Ugamwẹ Ima Yi?
Zẹvbe ne ima ruẹ ọre vbe iruẹmwi nọ lae, ẹi re ugamwẹ hia ẹre Osanobua miẹn yi. Sokpan ma gha sẹtin ga Osanobua vbe odẹ nọ kpasẹ yi. De aro ugamwẹ ne Osanobua kpasẹ yi? (Jems 1:27) Gia ziro yan emwi ne Baibol khare vbekpa ọna.
1. Vbọ khẹke ne ugamwẹ ima hẹnhẹn egbe yan?
Ọ khẹke ne ugamwẹ ima hẹnhẹn egbe yan e Baibol. Jesu tama Osanobua wẹẹ: “Ẹmwata ẹre ẹmwẹ ruẹn khin.” (Jọn 17:17) Ugamwẹ nibun bizugbe ẹmwata ni rre uwu Ẹmwẹ Osanobua nọ re Baibol. Iran na suẹn gha ya imamwaemwi kevbe ilele ọghe emwa nagbọn ru emwi. E Jehova i ya aro nọ maan ghee emwa ni “fi iyeke gbe ẹmwẹ” ọnrẹn. (Tie Mak 7:9.) Sokpan, ma ghaa lele adia ni rre Baibol, ọ keghi sẹ e Jehova ọyẹnmwẹ.
2. De odẹ nọ khẹke ne ima ya gha ga e Jehova?
E Jehova ọre Ayi ọghomwa, irẹn ẹre ọ khẹke ne ima gha rhie ugamwẹ na ma gua na. (Arhie Maan 4:11) Ọni nọ wẹẹ, ma ghi hoẹmwẹ ọnrẹn, ma ghi vbe gha ga irẹn ọkpa, vbene ima i na loo amazẹ rhọkpa.—Tie Aizaia 42:8.
Ọ khẹke ne ugamwẹ ima gha re nọhuanrẹn kevbe ne Jehova gha miẹn yi. (Rom 12:1) Ọna rhie ma wẹẹ, te ima khian gha lele uhi ọghẹe. Vbe igiemwi, emwa ni hoẹmwẹ e Jehova keghi ya ekhọe hia lele uhi ọghẹe nọ dekaẹn orọnmwẹ. Iran i mwẹ obọ vbe uyinmwẹ nọ gbiruẹn, vbe na ghee itaba na si, ukhunmwu na loo ghee ihan, ra ayọn na da gbe egbe. a
3. Vbọzẹ nọ na khẹke ne ima gha deba emwa ne ima gba mwẹ iyayi ọkpa ga e Jehova?
Iko ne ima do vbe uzọla uzọla keghi kie ẹkpotọ ne ima ya rho e Jehova “vbe uwu ẹbu avbe emwa rẹn.” (Psalm 111:1, 2) Odẹ ọkpa ne ima ya ru ọna ọre ne ima na so ihuan urhomwẹ gie ẹre. (Tie Psalm 104:33.) Ne Jehova na hoẹmwẹ ima, ẹre ọ gu wẹẹ ne ima gha yo iko, rhunmwuda, ọ rẹnrẹn wẹẹ, ọ gha ru iyobọ ne ima ya gha sọyẹnmwẹ arrọọ vbe etẹbitẹ. Vbe iko ọghomwa, ma keghi rhie igiọdu ne egbe.
GUALỌ OTỌ RE SAYỌ
Gia ziro yan evbọzẹe ne Jehova ma na kpasẹ yọ na gha loo amazẹ vbe ugamwẹ ọghẹe, kevbe odẹ eso ne kpataki ne ima gha ya rhie urhomwẹ gie Osanobua.
4. Ọ ma khẹke ne ima gha loo amazẹ vbe ugamwẹ Osanobua
Vbe ima ya rẹn hẹ wẹẹ, emwi vberriọ sọnnọ Osanobua? Kpee VIDIO na, iyeke ọni, uwa ghi ziro yan inọta nọ lelẹe.
-
Vbọ sunu vbe ẹghẹ ne eguọmwadia Osanobua eso nẹdẹ ya te suẹn gha loo amazẹ ya ga Osanobua?
Emwa eso roro ẹre wẹẹ, iran ghaa ya amazẹ ga Osanobua, ọ gha ya iran sikẹ ọre sayọ. Sokpan, ẹi re te emwi vberriọ khian ya iran khian rree ne Osanobua ra? Tie Ẹksodọs 20:4-6, NW kevbe Psalm 106:35, 36, iyeke ọni, uwa ghi ziro yan avbe inọta na:
-
De amazẹ eso ne uwẹ he miẹn wẹẹ emwa loo vbe ugamwẹ iran?
-
De aro ne Jehova ya ghee amazẹ na loo vbe ugamwẹ?
-
De aro ne uwẹ ya ghee amazẹ na loo?
5. Ma ghaa ga e Jehova ọkpa, ọ ghi fan ima hin uwu ebiebi rre
Ghee vbene ugamwẹ ẹmwata ne ima rhie ne Jehova ya fan ọmwa hẹ vbe obọ imamwaemwi ohoghe. Kpee VIDIO na.
Tie Psalm 91:14, iyeke ọni, uwa ghi ziro yan inọta na:
-
De emwi ne Jehova wẹẹ irẹn khian ru ne ima, vbe ima ghaa ga irẹn ọkpa rhunmwuda ahoẹmwọmwa ne ima mwẹ nẹẹn?
6. Ma keghi ga Osanobua vbe iko ọghomwa
Ewanniẹn ne ima zẹ vbe iko kevbe ihuan ne ima so keghi rhie urhomwẹ gie Jehova, ma vbe yae rhie igiọdu ne egbe. Tie Psalm 22:22, iyeke ọni, uwa ghi ziro yan avbe inọta na:
-
Ewanniẹn ne etẹn zẹ vbe iko yẹẹ ruẹ ra?
-
Uwẹ gha hoo ne u mu egbe yotọ, ne u ya zẹ ewanniẹn ra?
7. Ọ keghi yẹẹ e Jehova vbe ima ghaa tama emwa vbekpa emwi ne ima ruẹ
Odẹ bun ne ima gha ya sẹtin tama emwa vbekpa emwi ne ima ruẹ vbe Baibol. Tie Psalm 9:1 kevbe 34:1, iyeke ọni, uwa ghi ziro yan inọta na:
-
De emwi ne u he ruẹ vbe Baibol ne u gha hoo ne u tama emwa ọvbehe?
EMWA ESO KEGHI KHA WẸẸ: “Ai sẹtin ya ẹko rhiẹnrhiẹn Osanobua.”
-
Vbua ghee ẹre hẹ?
OLIKA ẸMWẸ
Ma keghi ya ẹko rhiẹnrhiẹn Ayi ọghomwa vbe ima ghaa ga irẹn ọkpa, ma ghaa rhie urhomwẹ nẹẹn vbe iko, kevbe ima ghaa tama emwa ọvbehe vbekpa emwi ne ima ruẹ.
Ogbewerriẹ
-
Vbe ima khian ya rẹn vbene a ya ga Osanobua hẹ vbe odẹ nọ khẹke?
-
Vbọzẹ nọ na khẹke ne ima gha ga e Jehova ọkpa?
-
Vbọzẹ nọ na khẹke ne ima gha ga Osanobua vbe uwu ẹbu emwa ni hoo ne iran gha ya ẹko rhiẹnrhiẹn ọnrẹn?
RUẸ SAYỌ
Vbe okha nọ mwẹ uhunmwuta na, “Ii Ghi Re Ọviẹn Ẹbọ,” u gha miẹn vbene okhuo ọkpa ya do sẹtin dobọ ẹbọ na ga yi hẹ.
Ghee emwi nọ gha ru iyobọ nuẹn ya gha zẹ ewanniẹn vbe iko.
“Gha Rho E Jehova Vbuwe Ẹbu Eguọmwadia Re” (Owa Ọkhẹ, January 2019)
Ghee vbene ọvbokhan okpia ọkpa ya miẹn ere hẹ vbe iko na yo, agharhemiẹn wẹẹ ọ ma gha khuẹrhẹ nẹẹn nọ gha yo iko.
Emwa nibun ghee ẹre wẹẹ, Ivbiotu e Kristi ẹre ọ loo ama ugbugbe, sokpan, ọ gele khẹke ne ima gha loo ẹre vbe ugamwẹ ima ra?
“Vbọzẹe Ne Avbe Osẹe Jehova I Na Loo Ugbugbe Vbe Ugamwẹ Ọghe Iran?” (Ọ rre intanẹt)
a A gha ziro yan ena sayọ vbe iruẹmwi ni rre odaro.
You May Also Like
AVBE INỌTA NE EMWA MỌBỌ NỌ
Vbọre Iruẹmwi Ọghe Baibol?
Gualọ otọre, nu miẹn ewanniẹ ọghe avbe inọta ni dekaan emwamwa iruẹmwi e Biabol ọghọhẹ ọghomwa.
