IRUẸMWI 39
Aro Ne Osanobua Ya Ghee Esagiẹn
Esagiẹn wa hin usi. Ọmwa nẹi mwẹ esagiẹn i sẹtin gha rre agbọn. Zẹvbe Ayi ọghomwa, Osanobua mwẹ asẹ nọ ya tama ima vbene a gha ya loo esagiẹn hẹ. De emwi nọ tae vbekpa esagiẹn? Ọ khẹke na rriọẹ, ra na si ẹre ye egbe ra? Vbua khian ya ru azẹ nọ maan hẹ vbe nọ dekaẹn ẹmwẹ esagiẹn?
1. De aro ne Jehova ya ghee esagiẹn?
E Jehova tama eguọmwadia re nẹdẹ wẹẹ: “Esagiẹn ọre arrọọ ọghe emwi hia ni mwẹ esagiẹn.” (Lẹvitikọs 17:14, NW) Vbe aro e Jehova, te esagiẹn mudia ye ihe arrọọ. Arrọọ keghi re ẹse nọ hin usi nọ ke obọ Osanobua rre, erriọ esagiẹn wa vbe ye.
2. De odẹ ne emwa ya loo esagiẹn ne uhi Osanobua gbodan yi?
E Jehova keghi gbe uhi ne eguọmwadia re nẹdẹ, ne iran ghẹ rri esagiẹn. (Tie Gẹnẹsis 9:4 kevbe Lẹvitikọs 17:10.) Irẹn keghi vbe loo ẹbu nọ su vbe ẹghẹ ọghe avbe ukọ ọghe Jesu ya so igiẹ ye uhi na. Iran keghi tama Ivbiotu e Kristi ne iran “gha gban egbe ne . . . esagiẹn.”—Tie Iwinna 15:28, 29, NW.
A gha wẹẹ na gban egbe ne esagiẹn, vbe a yae kha? Ọbo ebo gha wẹẹ ne u gban egbe ne ayọn, u ghi ban rẹn. Sokpan u gha rri evbare na ya ayọn le ra? U gha vbe si ẹre ye egbe ra? Hiehie. Erriọ vbe ye, ne Osanobua na wẹẹ na gban egbe ne esagiẹn rhie ma wẹẹ, ma i khian wọẹn, ra ne ima gha rri emiowo na ma da re esagiẹn kua. Ma i khian vbe rri evbare ne esagiẹn ye.
Ọ vbe khẹke na loo esagiẹn vbe a ghaa khuọnmwi ra? Emwa eso keghi rraa uhi Osanobua vbe odẹ ne iran ya loo esagiẹn vbe iran ghaa khuọnmwi. Odẹ eso ne iran ya ru ọna, ọre ne iran na si esagiẹn ye egbe, ra ọkpa vbe uwu abọ enẹ ọghe esagiẹn ni re red cells, white cells, platelets, kevbe plasma. Ọ mwẹ obẹlẹ ọvbehe ne emwa loo, nọ ma wa rraa uhi Osanobua. Vbe igiemwi, avbe ọbo ebo sẹtin rhie emwi eso ladian vbe uwu ọkpa vbe abọ enẹ ọghe esagiẹn na guan kaẹn ban, ya gbaroghe ọmwa. Emwi eso ne iran rhie ladian na, ọre blood fractions. Obẹlẹ ọvbehe vbe rrọọ, na ya loo esagiẹn ọghe ọmwa ya gbaroghe ọmwa nii tobọre. Vbe nọ dekaẹn obẹlẹ ughughan na, ma tobọ ima ẹre ọ khian zẹ ne egbe ima. a—Galatia 6:5.
GUALỌ OTỌ RE SAYỌ
Gia ziro yan vbene a khian ya gha ru azẹ nọ maan hẹ vbe nọ dekaẹn esagiẹn na loo vbe ọmwa ghaa khuọnmwi.
3. Gha ru azẹ nọ gha ya ẹko rhiẹnrhiẹn e Jehova
Vbua khian ya sẹtin ru azẹ nọ gua ilele ọghe Osanobua ro hẹ, vbọ gha de ọghe na gbaroghe egbe ọmwa? Kpee VIDIO na, iyeke ọni, uwa ghi ziro yan evbọzẹe nọ na khẹke na gha lele adia ni rre ototọ mwa.
-
Na erhunmwu ne Osanobua rhie ẹwaẹn nuẹn.—Jems 1:5.
-
Gualọ ilele ni rre Baibol ni gha ru iyobọ nuẹn.—Itan 13:16.
-
Gualọ obẹlẹ eso na loo vbe ẹdogbo ne u ye.
-
Hia ne u rẹn obẹlẹ eso ne Osanobua mu awua yi.
-
Ru azẹ nọ gha ya ruẹ gha mwẹ ekhọe ọguọmwaziro nọ hianrẹn.—Iwinna 24:16. b
-
Ọ khẹke ne u rẹn wẹẹ, ọ gha de ọghe azẹ na ya ekhọe ọguọmwaziro ru, uwẹ tobọ ruẹ ẹre ọ khian ru azẹ nii, ai ru ẹre ne ọmwa, ọ gha khọnrẹn nọ gha re ọdafẹn ruẹ, ra ọvbokhan ruẹ, ra ọdiọn vbe iko, ra ọmwa nọ maa ruẹ e Baibol.—Rom 14:12.
-
Gbẹn azẹ ne u rhirhi ru yotọ.
4. Odẹ nọ ghi maan sẹ ẹre Avbe Osẹe Jehova hoo ne iran ya gha gbaroghe egbe
Ma gha ye sẹtin gbaroghe egbe ima vbe odẹ nọ ghi maan sẹ, vbene ima i na rraa uhi Osanobua nọ dekaẹn esagiẹn. Kpee VIDIO na.
Tie Taitọs 3:2, iyeke ọni, uwa ghi ziro yan inọta na:
-
Vbọzẹ nọ na khẹke ne ima gha ya ọghọ vbe ute gu avbe ọbo ebo ziro?
|
Na wua |
Na zẹ ne egbe ọmwa |
|---|---|
|
A. Blood plasma |
Emwi eso na rhie ladian vbe plasma |
|
B. White cells |
Emwi eso na rhie ladian vbe white cells |
|
C. Platelets |
Emwi eso na rhie ladian vbe platelets |
|
D. Red cells |
Emwi eso na rhie ladian vbe red cells |
5. Nọ dekaẹn emwi eso na rhie ladian vbe dọmwadẹ abọ enẹ ọghe esagiẹn
Esagiẹn keghi mwẹ abọ enẹ na tie ẹre red cells, white cells, platelets, kevbe plasma. Dọmwadẹ abọ enẹ na, vbe mwẹ abọ ọvbehe ne giẹrẹ, na tie ẹre blood fractions. c A keghi rhie emwi eso vbe uwu abọ ne giẹrẹ na, ya ru ukhunmwu ni gbe emianmwẹ, a vbe yae ru ukhunmwu na ya fian esagiẹn vbe esagiẹn ghaa tue ọmwa.
Ọ gha de ọghe emwi eso na rhie ladian vbe abọ enẹ ọghe esagiẹn na tie ẹre blood fractions, dọmwadẹ Ovbiotu e Kristi, ẹre ọ khian tobọre ru azẹ zẹvbe nọ gua ekhọe ọguọmwaziro ọghẹe ro. Emwa eso sẹtin kha wẹẹ, iran i kue ne ọbo ebo loo emwi eso na rhie re vbe abọ enẹ ọghe esagiẹn, ya gbaroghe iran vbe odẹ ke odẹ. Sokpan emwa eso sẹtin vbe kue yọ.
U gha khian ru azẹ, nọ egbuẹ ọta na:
-
Vbia khian ya rhan otọ re ma ọbo ebo hẹ, evbọzẹe ne I gha na kue, ra evbọzẹe ne I i khian na kue na loo ẹre mẹ, ighẹ emwi eso na rhie re vbe abọ enẹ ọghe esagiẹn?
ỌMWA SẸTIN NỌ WẸẸ: “Ọ de emwi nọ rhiae deghẹ ọmwa na si esagiẹn ye egbe ra?”
-
Vbua ghee ẹre hẹ?
OLIKA ẸMWẸ
E Jehova ma hoo ne ima gha loo esagiẹn vbe odẹ ne irẹn ma kpasẹ yi.
Ogbewerriẹ
-
Vbọzẹ ne esagiẹn na re emwi nọ hin usi vbe odaro e Jehova?
-
Vbe ima ya rẹn hẹ wẹẹ, uhi Osanobua nọ khare wẹẹ ne ima gha gban egbe ne esagiẹn, vbe dekaẹn esagiẹn na si ye egbe?
-
Vbua khian ya ru azẹ nọ maan hẹ, vbọ gha de ọghe esagiẹn na ya gbaroghe egbe?
RUẸ SAYỌ
De emwi eso nọ khẹke ne u mu roro, u ke ru azẹ nọ dekaẹn vbene avbe ọbo ebo gha ya loo esagiẹn ruẹ hẹ?
Deghẹ u gha kue, ra u i khian kue na loo emwi eso na rhie re vbe abọ enẹ ọghe esagiẹn ya gbaroghe ruẹ, vbọ khẹke ne u mu roro?
Vbọ ya ọbo ebo ọkpa kue yọ wẹẹ, ẹwaẹn rrọọ deghẹ ọmwa na lele uhi ọghe Jehova nọ dekaẹn esagiẹn?
“I Keghi Miẹn Ọnrẹn Yi, Aro Ne Osanobua Ya Ghee Esagiẹn” (Awake!, December 8, 2003)
Ghee vbene ediọn ni ga vbe Hospital Liaison Committee ya ru iyobọ ne etẹn hẹ.
a Ya ghee Iruẹmwi 35, “Vbene A Ya Ru Azẹ Nọ Maan Hẹ.”
b Ya ghee abọ uhunmwuta nogie 5 na, “Nọ Dekaẹn Emwi Eso Na Rhie Ladian Vbe Dọmwadẹ Abọ Enẹ Ọghe Esagiẹn”; Ẹndnot 3, “Odẹ Ne Avbe Ọbo Ebo Ya Loo Esagiẹn.”
c Nọ ne ọbo ebo eso, aro ọkpa ẹre iran ya ghee abọ enẹ ọghe esagiẹn kevbe abọ ne giẹrẹ ni rre uwu ẹre. Nọnaghiyerriọ, ọ khẹke ne u gi ọbo ebo rẹn wẹẹ, u i mu esagiẹn ye egbe kevbe wẹẹ, u i vbe mu erhọkpa vbe abọ enẹ ọghe esagiẹn ye egbe, ni re red cells, white cells, platelets, ra plasma.
You May Also Like
AVBE INỌTA NE EMWA MỌBỌ NỌ
Vbọre Iruẹmwi Ọghe Baibol?
Gualọ otọre, nu miẹn ewanniẹ ọghe avbe inọta ni dekaan emwamwa iruẹmwi e Biabol ọghọhẹ ọghomwa.
