Emwi nọ gha ru iyobọ nuẹn ya gele miẹn ere vbe iruẹmwi e Baibol na
Ka ghee vbene a ya mwamwa ebe na hẹ, iyeke ọni, kpee VIDIO na.
ABỌ NOKARO
U gha khian mu egbe khẹ dọmwadẹ iruẹmwi, u ghi tie abọ nokaro. Avbe inọta na gbẹnnẹ gbodoo ni rrọọ (A) kevbe ako ọghe evbagbẹn nọhuanrẹn (B) keghi nianian uhunmwu ẹmwẹ ni rrọọ. Ọ vbe khẹke ne u tie ako ọghe evbagbẹn nọhuanrẹn na wẹẹ na “tie.”
ABỌ NOGIEVA
Ifiẹmwẹ (C) ni rre ototọ Gualọ Otọ Re Sayọ, ẹre ọ rhan otọ emwi na khian ghi ziro yan. Dọmwadẹ abọ uhunmwuta ni rrọọ (D) ọre uhunmwu ẹmwẹ na khian ziro yan. Uwẹ vbe ọmwa nọ maa ruẹ emwi ghi gba tie avbe ako evbagbẹn nọhuanrẹn ni rrọọ, u ghi rhie ewanniẹn ye avbe ọta na nọ rẹn, u ghi vbe ghee vidio ni rrọọ.
Avbe VIDIO kevbe RRẸKỌDI gha ya ruẹ rẹn otọ edọmwadẹ iruẹmwi ni rre ebe na sayọ. E vidio eso keghi re okha ọghe emwi ni gele sunu. Eso i wa re emwi ni gele sunu, sokpan a keghi mwamwaẹn vbe na ghee ikueta ni yevbe emwi ni gele sunu.
Ghẹ rhie aro gberra avbe efoto ni rrọọ kevbe ifiẹmwẹ na gbẹnnẹ lelẹe (E), u ghi vbe hia ne u rhie ewanniẹn ye inọta na gbẹnnẹ ye ototọ Emwa Eso Keghi Kha Wẹẹ (F).
ABỌ NOKIEKIE
Olika Ẹmwẹ kevbe Ogbewerriẹ (G) ọre abọ nokiekie ọghe dọmwadẹ iruẹmwi. U ghi gbẹn ọnrẹn yotọ, ẹdẹ na ruẹ iruẹmwi nii fo. Emwi na gbẹnnẹ ye abọ ọghe Emwi Ne U Gha Ru (H), gha ru iyobọ nuẹn ya gha rhie emwi ne u ruẹ re ye uyinmwẹ, ọ ghi vbe ya ruẹ gha mwẹ irẹnmwi sayọ. Vbe abọ ọghe Ruẹ Sayọ (I), u gha miẹn uhunmwuta eso ne u gha sẹtin tie, u gha vbe miẹn e vidio eso ghee.
Vbene u gha ya sẹtin miẹn ako ọghe Baibol ne u hoo ne u tie
Ebe 66 ẹre ọ rre Baibol. Abọ eva ẹre a ghae re yi: na ya urhuẹvbo ọghe Hibru kevbe Aramaic gbẹn (“Old Testament”) kevbe na ya urhuẹvbo e Grik gbẹn (“New Testament”).
A gha sunu ye ako rhọkpa vbe evbagbẹn nọhuanrẹn vbe ebe na, enọmba nọ sikẹ eni ebe ọghe Baibol (A) ọre uhunmwu ẹnrẹn (B), enọmba nọ ghi lelẹe ọre uviẹn ọnrẹn (C).
Vbe igiemwi, Jọn 17:3 ọre ebe Jọn, uhunmwu ẹnrẹn 17, uviẹn ọnrẹn 3.
You May Also Like
AVBE INỌTA NE EMWA MỌBỌ NỌ
Vbọre Iruẹmwi Ọghe Baibol?
Gualọ otọre, nu miẹn ewanniẹ ọghe avbe inọta ni dekaan emwamwa iruẹmwi e Biabol ọghọhẹ ọghomwa.
