Ufomwẹ
Uwẹ he muẹn roro ẹdẹ, ẹghẹ eso nọ gberra ne uwẹ vbe etuẹn ne u wa gba ga e Jehova ya gha sọyẹnmwẹ kugbe ra—ọ sẹtin gha re iko ọkpa nu yo nọ rhie igiọdu nuẹ, ra asikoko nọkhua na do nọ gbe ruẹ otiti, ra emwi ẹwaẹn nọ rhiẹnrhiẹn nu miẹn vbe ikporhu, ra ọ sẹtin wa gha re iro nọ rhiẹnrhiẹn kẹkan ne uwẹ vbe ọtẹn nọ vbe ga e Jehova gba zẹ. U ma he miamia e Jehova; amaiwẹ tẹ irẹn he vbe miamia uwẹ. Ekhọe agiẹngiẹn ẹre ọ ya yẹre rre, iwinna amuẹtinyan ọghuẹ. Kevbe wẹẹ, ọ wa muegbe nọ ya ru iyobọ, nu sẹtin werriegbe bu irẹn gha dee.
‘I gha gualọ avbe ohuan mwẹ miẹn,’ erriọ e Jehova khare, ‘I ghi vbe tobọ mwẹ gha gbaroghe iran. I gha gbaroghe ohuan mwẹ zẹvbe na ghe ọsuohuan nọ miẹn ohuan rẹn nọ te zagha kua, kevbe ọ gha koko iran. I gha ya viọ iran rre vbe ehe hia na te zagha iran kua yi.’—Ezikiẹl 34:11, 12.