Ebe Mak 16:1-8
-
Jesu rhiọ kpaegbe (1-8)
16 Ẹdẹ Ikẹtin ghi gberra nẹ, e Meri Magdalin, e Meri ne iye Jems, kevbe Salomi keghi dẹlẹ emwi ni winhin,* ne iran mieke na do yae wuo ikun e Jesu.
2 Ọ ghi rre owiẹ fioro vbe ikpẹdẹ nokaro vbe uzọla, iran kegha die idin ọghe Jesu, vbe ovẹn ghi yan rre nẹ.
3 Iran na gha nọ egbe wẹẹ: “De ọmwa nọ khian gu ima werriẹ okuta hin onurho idin rre?”
4 Sokpan, iran ghi tọn aro mu, iran na bẹghe ẹre wẹẹ, a werriẹ okuta nii hin evba rre nẹ, agharhemiẹn wẹẹ, okuta nii wa kakabọ kpọlọ.
5 Iran ghi la uwu idin nii, iran na bẹghe igbama okpia ọkpa, nọ tota ye obọ erha ọmwa vba, ọ na yọ ukpọn nọfua, ẹre orrirri na gbe ku iran.
6 Ọ keghi tama iran wẹẹ: “Wa ghẹ gi ẹre kpa uwa odin. Jesu ne Ovbi e Nazarẹt na kan rẹn mu erhan ẹre uwa gualọ na. A huẹn ọnrẹn kpaegbe nẹ. Irẹn i rre emwa na nian. Wa ghee ẹre, emwa na ẹre iran te muẹn yi.
7 Sokpan, wa gha khian, wa ya tama erhuanegbe ẹre kevbe Pita wẹẹ, ‘Irẹn ke odaro ne uwa, ọ rrie Galili. Wa gha miẹn ọnrẹn vbe evba zẹvbe nọ tama uwa.’”
8 Iran ghi ladian vbe idin nii, iran na gbe atata owẹ ye ulẹ, orrirri na gbe ku iran, iran na gha guọ zẹzẹzẹ. Iran ma gu ọmwa rhọkpa guan, rhunmwuda, ohan ghaa mu iran.*
Avbe Futnot
^ Ọni ọre, spice.
^ Vbe avbe manuskript ọghe Baibol nẹdẹ ni dagbẹn, ẹmwẹ ni rre uviẹn 8 ọre ẹmwẹ nokiekie nọ rre ebe Mak. Ya ghee Apẹndis A3.
