Ke January 2016 gha dee, iyeke The Watchtower ne ima ya winna vbe orere keghi mwẹ ne abọ “What Does the Bible Say?” Abọ ọghe ọgbọn na keghi ru iyobọ ne ima ya muẹn so avbe uhunmwuta ọghe Baibol. Abọ na vbe yevbe na ghee abọ nọ rre asobọrrie ọghe ima. Inọta na ziro yan rrọọ, ewanniẹ ọghe Baibol na lelẹe, deba uhunmwu ẹmwẹ eso na gha sẹtin guan yan.

Adeghẹ ọta ọghe Baibol na mu ọmwa na gu guan ekhọe, ọ gha hoo ne u do gha gu irẹn ruẹ e Baibol. Loo abọ ọgbọn na ya ru iyobọ ne emwa ya miẹn isọkẹn ọghe evbare orhiọn.—Mat 5:6.

1. Nọ ọ yan owa nọ ta vbene ọ ghee ọkpa vbe inọta nii hẹ

2. Danmwehọ re kevbe u ghi tian rẹn ye ewanniẹ nọ zẹ

3. Tie evbagbẹn nọhuanrẹn nọ rre ototọ “What the Bible Says,” kevbe u ghi nọ rẹn vbene ọ ghee ẹre hẹ. Adeghẹ ẹghẹ rrọọ, loo uhunmwu ẹmwẹ nọ rre ne uhunmwuta “What Else Can We Learn From the Bible?” ya guẹ ziro sayọ

4. Rhie ne ebe iyẹn nẹ

5. Ru emwamwa vbene u khian ya werriegbe rre hẹ ne uwa mieke na ziro yan inọta nogieva