EBE IWINNA NA LOO VBE NE IKO–UYINMWẸ KEVBE IWINNA ỌGHE IMA NE IVBIOTU E KRISTI April 2018
Igiemwi Ọghe Vbene A Ya Kporhu Hẹ
Avbe inọta na khian gu ọ yan owa ziro yan nọ dekaan e Baibol kevbe vbene ima khian ya gha mwẹ oghọghọ vbe arrọọ ọghe ima.
EMWI EWE NI RRE UWU ẸMWẸ ỌGHE OSANOBUA
Vbene Ugie Alagberra Kevbe Ugie Ayere Ya Khọ Egbe Kevbe Vbene Iran Ya Lughaẹn Ne Egbe Hẹ
Agharhemiẹn wẹẹ Ugie Alagberra ma wa mu ukhọmwẹ Ugie Ayere, sokpan emwi eso na ghaa loo vbe Ugie Alagberra keghi mwẹ evbọ demu vbe ẹdẹnẹrẹ.
EMWI EWE NI RRE UWU ẸMWẸ ỌGHE OSANOBUA
Evbọzẹe Ne A Gha Na Ya Emwa Khian Erhuanegbe, Ehe Ne A Khian Na Ru Ẹre Kevbe Vbene A Khian Ya Ru Ẹre Hẹ?
Ne a ya emwa khian erhuanegbe rhiema wẹẹ, te ima gha maa emwa ọvbehe emwi hia ne Jesu yi iyi ẹre ne ima. Ne ima do winna iwinna ọghe ne a ya emwa khian erhuanegbe vbe rhiema wẹẹ, te ima khian maa emwa ne ima gu ruẹ e Baibol vbene iran gha ya ye iyi ọghe Jesu ru emwi hẹ, ne iran vbe gha lele igiemwi ọghẹe.
UYINMWE ỌGHE IMA NE IVBIOTU E KRISTI
Na Gha Kporhu Kevbe Na Gha Maa Emwa Emwi Keghi Re Odẹ Ne Kpataki Na Ya Ye Emwa Khian Erhuanegbe
Jesu keghi tama erhuanegbe ẹre ne iran ya ye emwa khian erhuanegbe ọghe irẹn. De emwi ne ọna rhiema? De vbene ima khian ya ru iyobọ ne emwa, ne iran do ya rẹn Osanobua?
EMWI EWE NI RRE UWU ẸMWẸ ỌGHE OSANOBUA
“A Ya Orukhọ Ruẹ Bọọ”
De emwi ne ima miẹn ruẹ vbe emwi ọyunnuan nọ rre ebe Mak 2:5-12? De vbene ako na khian ya ru iyobọ ne ima ya zinegbe hẹ vbe ima ghaa khuọnmwi?
UYINMWẸ ỌGHE IMA NE IVBIOTU E KRISTI
Jesu Mu Ọmwa Egbe Rran Vbe Ẹdẹ Ikẹtin
Vbọsiẹ ne ọ na wa da Jesu sẹ ugboloko vbe ọ bẹghe uyinmwẹ ọghe avbe ọkaolotu ugamwẹ ọghe Ivbi e Ju? De inọta eso nọ gha ru iyobọ ne ima ya rẹn deghẹ ima gele ya egbe tae Jesu, vbe odẹ nọ ya gha tohan emwa ọvbehe?
UYINMWẸ ỌGHE IMA NE IVBIOTU E KRISTI
Jesu Mwẹ Ẹtin Nọ Khian Ya Huẹn Emwa Ima Ni Wulo Kpaegbe
Ma ghaa muẹn roro ighẹ okha ọghe arhiọkpaegbe ni rre Baibol, ọ gha ya ima gha mwẹ amuẹtinyan nọ wegbe wẹẹ emwa ima ni wulo gha rhiọkpaegbe vbe odaro.
UYINMWẸ ỌGHE IMA NE IVBIOTU E KRISTI
Gha Ya Ifuẹro Loo Avbe Emadogua Ne Ima Ya Maa Emwa Emwi
Ne imamwaemwi ọghe ima mieke na biẹ ọmọ esi, te ima rẹn vbene a ya loo avbe emadogua ọghe ima ẹse hẹ. De emadogua ne ima loo nọ ghi ru ekpataki sẹ? De vbene ima khian ya guẹ sayọ hẹ vbe nọ dekaan vbene a ya loo avbe emadogua ne ima ya maa emwa emwi?
