EVBỌZẸE NỌ NA RU EKPATAKI: Obọ e Jehova nọ re ọmamwaemwi nọ sẹ ehia ẹre ima na miẹn imamwaemwi nọ maan sẹ. Ọ keghi maa ima re vbe ọghe ọhẹ odẹ nọ maan sẹ ne ima gha ya loo arrọọ ọghe ima, ọ vbe mu ima egbe khẹ agbọn nọ maan nọ dee vbe odaro! (Aiz 11:6-9; 30:20, 21; Arhie 22:17) E Jehova vbe maa ima re vbene ima khian ya sẹtin gha kporhu iyẹn nọ maan ma emwa ọvbehe hẹ, ne ẹkpotọ mieke na kie ne iran ya miẹn fan.—2 Kọr 3:5.

VBENE A YA RU ẸRE HẸ:

• Gha mwẹ imuegberriotọ kevbe ekhọe ọmẹhẹ.—Psm 25:8, 9

• Miẹn ọnrẹn yi ighẹ imamwaemwi ne Jehova rhirhi rhie nuẹ nia; vbe igiemwi, a gha rhie ọta nuẹ vbe abọ ọghe owebe vbe iko na do vbuwe uzọla, u ghi hia ne u ru ẹre

• Gha fian okhuo ne egbe ruẹ vbe odẹ ọghe orhiọn.—Fil 3:13

• Muegbe ne u ya ru afiwerriẹ nibun vbe arrọọ ruẹ, ne u mieke na gha re ọmwa nọ gbegba ne Jehova gha maa re emwi sayọ.—Fil 3:8

VBE A GHA GHI GHEE ẸRE FO NẸ IGHẸ NE VIDIO IMAMWAEMWI ỌGHE JEHOVA KEGHI YA ỌMWA FE VBE ODẸ ỌGHE ORHIỌN, U GHI ZẸ EWANNIẸN YE AVBE INỌTA NA:

• De isievẹn eso ne etẹn eso la gberra, ne iran mieke na sẹtin yo Owebe Ọghe Emwa Ni Kporhu Iyẹn Nọ Maan Ọghe Arriọba (SKE)?

• De emwi eso na maa etẹn re vbe owebe na?

• De vbene etẹn ni rre iko na gie etẹn na gha rrie ya ru iyobọ ne iran?

• De emwa ni gha sẹtin yo Owebe Ọghe Emwa Ni Kporhu Iyẹn Nọ Maan Ọghe Arriọba (SKE)? (kr-E 189)

• De owebe ọvbehe ne otu ọghe Jehova mwamwaẹn ne u gha sẹtin yo?