E Jekọb keghi gu odibosa vẹn rhunmwuda, afiangbe nọ ghaa gualọ vbe obọ e Jehova wa kakabọ ru ekpataki. (Gẹn 32:24-31; Hoz 12:3, 4) Ma vbe vbo? Ma hia vbe odẹ ke odẹ ne ima gha họn ẹmwẹ ne Jehova ne afiangbe ọghẹe mieke na sẹ ima obọ ra? Vbe igiemwi, de ne ima gha zẹ vbuwe emwi eva na; na gha yo iko vbe ẹghẹ hia ra na rhie ẹghẹ ba ẹghẹ ya gha winna iwinna ne a na miẹn usugi igho? Ma ghaa loo ẹghẹ ọghe ima, ẹrhiọn ọghe ima kevbe emwi ewe ne ima mwẹ ya ga e Jehova, ọ gha tue afiangbe ku ima sẹrriọ wẹẹ, ma i ghi vbabọ emwi rhọkpa. (Mal 3:10) Irẹn gha gbaroghe ima kevbe wẹẹ, irẹn gha vbe kpemehe emwi hia ne ima gualọ.—Mat 6:33; Hib 13:5.

GHEE VIDIO NỌ MWẸ UHUNMWUTA NỌ KHARE WẸẸ RHIE ARO TUA OKHUO NE U FIAN NE EGBUẸ VBE ODẸ ỌGHE ORHIỌN, IYEKE ỌNI, A GHI ZẸ EWANNIẸN YE AVBE INỌTA NA:

• De vbene iwinna ne ọtẹn nokhuo na hoẹmwẹ ọnrẹn ya muẹn ye edanmwẹ hẹ?

• De vbene iwinna ne ima ru gha ya sẹtin danmwẹ ima hẹ?

• Vbọzẹe ne Timoti na ye gha fian okhuo ne egbe ẹre vbe odẹ ọghe orhiọn, agharhemiẹn wẹẹ, ọmwa nọ deziẹn vbe odẹ ọghe orhiọn ẹre irẹn ghaa khin?—1 Tim 4:16

• De vbene uyinmwẹ ima ya rhiẹre ma, iwinna ne ima mu ye okaro vbe arrọọ ọghe ima?