32:24-28

Ne afiangbe ọghe Jehova mieke na sẹ ima obọ, ọ khẹke ne ima hia vbe odẹ ke odẹ ne ima mu ẹmwẹ Arriọba ọghẹe ye okaro vbe arrọọ ọghe ima. (1 Kọr 9:26, 27) Ọ khẹke ne ima gha ya egbe tae Jekọb vbe ima ghaa ru iwinna ugamwẹ e Jehova. Agharhemiẹn wẹẹ e Jekọb khian ọmaẹn nẹ, ọ ma gi egbe wọọ re vbe ọ gu odibosa ọkpa vẹn, a te do miẹn wẹẹ odibosa nii fiangbẹe. Adeghẹ ima hoo ne afiangbe ọghe Jehova sẹ ima obọ, ọ khẹke ne ima . . .

• Gha mu egbe iko yotọ ẹse

• Gha ladian vbe ikporhu vbe ẹghẹ hia

• Gha ru iyobọ ne avbe etẹn vbuwe iko

Ọlọghọmwa ke ọlọghọmwa ne u rhirhi gha ye, gha na erhunmwu gie Jehova ne ọ ru iyobọ nuẹn. Ye rhiegba ye ugamwẹ ọghe Jehova, u gha miẹn afiangbe ọghẹe.

NỌ EGBUẸ WẸẸ, ‘De afiwerriẹ eso nọ khẹke ne I ru vbe arrọọ mwẹ ne afiangbe ọghe Jehova mieke na sẹ mwẹ obọ?’