EVBỌZẸE NE Ọ NA RU EKPATAKI: Ebe kevbe vidio hia ni rre Emadogua Ne Ima Ya Maa Emwa Ẹmwata keghi rhie emwa ekhọe ghee jw.org. Ne emwa mieke na rẹn e wẹbsait ọghomwa ẹre a gu gbẹn ekadi nọ dia ọmwa lae wẹbsait kevbe ne asobọrrie, De Ehe Nima Khian Na Miẹn Ewanniẹ ye Avbe Inọta Ne Kpataki Nọ Dekaẹn Arrọọ? U gha sẹtin loo jw.org ya sẹnd avbe ebe kevbe vidio la email ọghe ọmwa ra u sẹtin vbe sẹnd e link gie ẹre nọ mieke na miẹn ọnrẹn danlod. Ọna wa mwẹ iyobọ nọ ye katekate deghẹ u na gha kporhu ma ọmwa nọ zẹ urhuẹvbo ọvbehe. Deba ọni, emwa sẹtin vbe nọ ọta ne ima i khian sẹtin loo ebe ra e vidio nọ rre Emadogua Ne Ima Ya Maa Emwa Ẹmwata ya rhie ewanniẹn yi. Ma gha rẹn vbene a ya loo abọ ughughan ni rre jw.org, iwinna ikporhu ọghomwa gha biẹ ọmọ esi sayọ.

VBENE A YA RUẸ HẸ:

• Loo abọ ọghe “BIBLE TEACHINGS.” Gia ba kha wẹẹ evbibiẹ emọ ni hoo ne iran rẹn sayọ vbekpa vbene a ya koko emọ hẹ ẹre u kporhu ma. Gha rrie BIBLE TEACHINGS > MARRIAGE & FAMILY.

• Loo abọ ọghe “AVBE EBE KEVBE EVBA KPEE.” Gia ba kha wẹẹ ẹkpotọ kie nuẹ ya kporhu ma ọmwa ne uwa gba rre eklasi, u na gha hoo ne u tama rẹn vbekpa emwi eso nọ rre ne ebe ẹmu Ewanniẹ Ọghe Inọta 10 Ne Igbama Nọ. Gha rrie AVBE EBE KEVBE EVBA KPEE > AVBE EBE ẸMU KEVBE EBE UGHUGHAN.

• Loo abọ ọghe “NỌ DEKAAN IMA.” Gia ba kha wẹẹ u kporhu ma ọmwa ne uwa gba winna, ne ọ hoo ne ọ tie vbekpa emwi eso ne ima yayi. Gha rrie NỌ DEKAAN IMA > AVBE INỌTA NE EMWA MOBỌ NỌ VBEKPAE AVBE OSẸE JEHOVA.

VBE A GHA GHI GHEE ẸRE FO NẸ IGHẸ NE VIDIO VBENE A YA LOO ABỌ UGHUGHAN NI RRE JW.ORG, U GHI ZIRO YAN AKO NE U GHA YO VBE WẸBSAIT ỌGHOMWA DEGHẸ U HOO NE U RU IYOBỌ NE:

• ọmwa nọ ma yayi wẹẹ Osanobua rrọọ

• ọmwa ne emwi nọ wegbe wa da sunu daa

• ọtẹn nokpia ra ọtẹn nokhuo nọ worua vbe odẹ ọghe orhiọn

• ọ yan owa ne u werriegbe mu otuẹ gie, nọ hoo nọ rẹn vbene Avbe Osẹe Jehova ya miẹn igho ne iran loo hẹ

• ọmwa nọ ke ẹvbo ọvbehe rre, nọ hoo nọ yo iko vbe ẹvbo ẹre