UYINMWẸ ỌGHE IMA NE IVBIOTU E KRISTI
Igbama—Wa Gha Ya ‘Izọghae Winna Iwinna Esi’
Vbe elẹta ne orhiọn nọhuanrẹn loo e Pọl ya gbẹn gie Taitọs, ọ keghi tama rẹn wẹẹ, ne irẹn vbe igbama nikẹre ni rre uwu iko hia ne iran “gha re igiemwi vbuwe iwinna esi hia.” (Tai 2:6, 7) Ọ na vbe gi ẹre rẹn wẹẹ, Jesu gha kpe emwa ọghe Osanobua huan ne iran mieke na gha ya ‘izọghae winna iwinna esi.’ (Tai 2:14) Ọkpa vbe usun iwinna esi na ọre iwinna ikporhu iyẹn nọ maan ọghe Arriọba Osanobua. Adeghẹ igbama ẹre u khin, u gha sẹtin loo ẹrhiọn ne u mwẹ nia vbe iwinna arọndẹ ọghe ovbiẹghẹ kherhe ra ọghe ẹghẹ hia ra?—Itan 20:29.
Adeghẹ u hoo ne u winna iwinna arọndẹ, ọ khẹke ne u ru emwamwa nọ khẹke ne u mieke na sẹtin ru ẹre. (Luk 14:28-30) Vbe igiemwi, de vbene u khian ya gha miẹn igho ya gha gaga egbe hẹ, zẹvbe ne u ya winna iwinna arọndẹ ọghe ẹghẹ hia? De vbene u khian ya sẹtin gha miẹn ughaẹdẹ nọ khẹke ne avbe arọndẹ gha rhie ladian? Na erhunmwu gie Jehova ne ọ ru iyobọ nuẹ ya musọe. (Psm 37:5) Gu evbibiẹ ruẹ guan vbekpa emwamwa ruẹ, emwa ọvbehe ne u gha vbe sẹtin gu guan ọre avbe arọndẹ ni musọe vbe iwinna arọndẹ ọghe iran. Vbe iyeke ọni, u ghi zẹ emwi ru. Ẹi mwẹ e Jehova ma fiangbe ruẹ ye ẹrhiọn ne u loo vbe ugamwẹ ọghẹe!
VBE A GHA GHI GHEE ẸRE FO NẸ IGHẸ E VIDIO NỌ MWẸ UHUNMWUTA NỌ KHARE WẸẸ AVBE IGBAMA NI RHIE UYI GIE JEHOVA, A GHI ZẸ EWANNIẸN YE AVBE INỌTA NA:
-
De isievẹn ne etẹn eso werriẹ aro daa, iran ke suẹn iwinna arọndẹ, kevbe wẹẹ, de emwi nọ ru iyobọ ne iran?
-
De vbene evbibiẹ emọ gha ya sẹtin ru iyobọ ne ivbi iran, ne iran mieke na sẹtin ru iwinna arọndẹ?
-
Vbọzẹe nọ na khẹke ne avbe arọndẹ ru emwamwa nọ gha ru iyobọ ne iran ya musọe vbe iwinna ikporhu ọghe iran?
-
De iyobọ ne etẹn ni rre uwu iko gha sẹtin ru ne avbe arọndẹ?
-
De afiangbe ne avbe arọndẹ miẹn?
De emwi ne I gha ru, ne I mieke na sẹtin ru iwinna arọndẹ?
