Vbọzẹe ne ọ na khẹke ne ima gha gu emwa ni hoẹmwẹ e Jehova muobọ? Emwa ne ima gu muobọ sẹtin ya ima gha yin uyinmwẹ dan ra uyinmwẹ esi. (Itan 13:20) Vbe igiemwi, Ọba e Joas “kegha ru emwi nọ yẹẹ e Nọyaẹnmwa” vbe ẹghẹ ne ọ na gha gu e Jehoiada ne Ogie Ohẹn muobọ. (2 Krọ 24:2) Vbe Jehoiada ghi wu nẹ, avbe ọse dan ne Joas ghi gha gu muobọ keghi yae sẹ e Jehova rae.—2 Krọ 24:17-19.

Vbe orre nokaro, ukọ e Pọl keghi ya iko ọghe Ivbiotu e Kristi gie ‘owa nọ kpọlọ,’ ọ na vbe ya etẹn ni rre uwu iko gie avbe “ọkpan,” ra emadogua na loo ya ru emwi vbe owa. Adeghẹ ima hoo ne ima gha re emadogua nọ mwẹ emwi nọ gia ya ru, ọ ma khẹke ne ima gha gu emwa ni ru emwi nọ sọnnọ e Jehova muobọ, ọ gha khọnrẹn ne iran gha re emwa vbuwe ẹgbẹe ra emwa vbuwe iko. (2 Tim 2:20, 21) Rhunmwuda ọni, emwa ni hoẹmwẹ e Jehova, ni vbe ru iyobọ ne ima ya sikẹ e Jehova, ẹre ọ khẹke ne ima gha gu muobọ.

VBE A GHA GHI GHEE ẸRE FO NẸ IGHẸ E VIDIO NỌ MWẸ UHUNMWUTA NỌ KHARE WẸẸ GHẸ GHA GU AVBE ỌSE DAN MUOBỌ, A GHI ZẸ EWANNIẸN YE AVBE INỌTA NA:

• De emwi eso nọ gha sẹtin ya ima khian emwa ni gu avbe ọse dan muobọ?

• Vbe vidio ne ima ghee re ban, de emwi nọ ru iyobọ ne etẹn eha, ne iran ya lẹẹ ne avbe ọse dan?

• De ilele eso ni rre uwu e Baibol ni gha ru iyobọ ne ima ya gha zẹ avbe ọse ni maan?