December 31–January 6
IWINNA 19-20
Ihuan 103 Kevbe Erhunmwu
Ẹmwẹ Ọghe Omuso (Ifuanro 3 ra ẹi khian sẹ vberriọ)
EMWI EWE NI RRE UWU ẸMWẸ ỌGHE OSANOBUA
“Wa Gha Gbaroghe Egbe Uwa Kevbe Ohuan Hia”: (Ifuanro 10)
Iwinna 20:28—Ediọn keghi gbaroghe iko (w11 6/15 20-21 okhuẹn 5—mwbr 18.12)
Iwinna 20:31—“Asọn kevbe avan” ẹre ediọn ya ru iyobọ nọ khẹke ne etẹn ni rre uwu iko (w13 1/15 31 okhuẹn 15—mwbr 18.12)
Iwinna 20:35—Ọ khẹke ne ediọn gha ya ekhọe hia ru iyobọ ne etẹn vbe ẹghẹ hia (bt 172 okhuẹn 20—mwbr 18.12)
Gualọ Emwi Ewe Ọghe Orhiọn: (Ifuanro 8)
Iwinna 19:9—De igiemwi ne Pọl rhie yotọ vbe nọ dekaan na wegbe obọ kevbe na gha ru afiwerriẹ zẹvbe ne emwi khare? (bt 161 okhuẹn 11—mwbr 18.12)
Iwinna 19:19—De igiemwi ne Ivbi Ẹfisọs rhie yotọ nọ khẹke ne ima ya egbe taa? (bt 162-163 okhuẹn 15—mwbr 18.12)
De emwi ne Baibol na tiere vbe uzọla na, maa ruẹ re vbekpae Jehova?
De emwi ewe ọvbehe ne u miẹn vbe Baibol na tiere vbe uzọla na?
E Baibol Na Tie: (Ifuanro 4 ra ẹi khian sẹ vberriọ) Iwinna 19:1-20
RHIEGBE YE IWINNA IKPORHU IYẸN NỌ MAAN
Atuẹ Werriegbe Nogieva: (Ifuanro 3 ra ẹi khian sẹ vberriọ) Ka loo igiemwi ọghe vbene a ya kporhu hẹ. Rhie ekadi nọ dia ọmwa lae JW.ORG ne ọ yan owa.
Atuẹ Werriegbe Nogieha: (Ifuanro 3 ra ẹi khian sẹ vberriọ) Tobọ ruẹ zẹ ako ọghe evbagbẹn nọhuanrẹn ne u khian loo kevbe inọta ne u khian ya gbe ẹyotọ atuẹ werriegbe.
E Baibol Na Gu Ọmwa Ruẹ: (Ifuanro 6 ra ẹi khian sẹ vberriọ) jl-E iruẹmwi 15
UYINMWẸ ỌGHE IMA NE IVBIOTU E KRISTI
Gha Maa Iran Emwi Ighẹ Avbe Igbama Ikpia Ni Rhiegbe Iran Ladian: (Ifuanro 15) Ọta na koko ziro yan. Kpee ne vidio. Iyeke ọni, u ghi nọ avbe ọta na: De iwinna ne kpataki ne ediọn ru vbuwe iko? (Iwinna 20:28) Vbọzẹe ne ọ na khẹke ne ediọn gha maa emwa ọvbehe emwi vbe ẹghẹ hia? De vbene ediọn khian ya sẹtin ya egbe tae Jesu hẹ vbe odẹ ne ọ ya gha maa avbe ukọ ọghẹe emwi? De uyinmwẹ nọ khẹke ne etẹn nikpia gha mwẹ vbe a ghaa maa iran emwi? (Iwinna 20:35; 1 Tim 3:1) De emwi eso nọ khẹke ne ediọn maa iran re? De aro nọ khẹke ne ediọn ya gha ghee emwa ne iran maa re emwi?
Iruẹmwi E Baibol Ọghe Iko: (Ifuanro 30) jy-E uhunmwu ebe 48
Ogbewerriẹ Ọghe Uzọla Na Kevbe Evba Yaro Yi Vbe Uzọla Nọ Dee (Ifuanro 3)
Ihuan 118 Kevbe Erhunmwu