Ihuan 55 Kevbe Erhunmwu

Ẹmwẹ Ọghe Omuso (Ifuanro 3 ra ẹi khian sẹ vberriọ)

“Ghẹ Mu Ohan Avbe Aranmwẹ Oha Ni Gbe Orrirri Ku Ọmwa”: (Ifuanro 10)

• Arhie 13:1, 2—Ugbogiorinmwi nii keghi rhie asẹ ne aranmwẹ oha nii nọ mwẹ igho igbe kevbe uhunmwu ihinrọn (w12 6/15 8 ¶6—mwbr 19.12)

• Arhie 13:11, 15—Aranmwẹ oha nọ mwẹ igho eva keghi rhie arrọọ ne amazẹ ọghe aranmwẹ oha nokaro (re 194 ¶26; 195 ¶30-31—mwbr 19.12)

• Arhie 13:16, 17—Ghẹ miẹn ọnrẹn yi ighẹ ama ọghe aranmwẹ oha nii (w09 2/15 4 ¶2—mwbr 19.12)

Gualọ Emwi Ewe Ọghe Orhiọn: (Ifuanro 8)

• Arhie 16:13, 14—De vbene avbe agbẹnvbo khian ya si egbe koko khẹ “okuo ẹdẹ nọkhua ọghe Osanobua ne Oghodua”? (w09 2/15 4 ¶5—mwbr 19.12)

• Arhie 16:21—De iyẹn ne ima khian ya wewe vbene ọ te sẹ ẹghẹ ne agbọn Esu khian ya sẹ ufomwẹ? (w15 7/15 16 ¶9—mwbr 19.12)

• De emwi ne Baibol na tiere vbe uzọla na, maa ruẹ re vbekpae Jehova?

• De emwi ewe ọvbehe ne u miẹn vbe Baibol na tiere vbe uzọla na?

E Baibol Na Tie: (Ifuanro 4 ra ẹi khian sẹ vberriọ) Arhie 16:1-16 (th Iruẹmwi 10)

E Vidio Ọghe Atuẹ Werriegbe Nokaro: (Ifuanro 5) Vbe a gha ghi kpee nene vidio nẹ, a ghi ziro yan rẹn.

Atuẹ Werriegbe Nokaro: (Ifuanro 3 ra ẹi khian sẹ vberriọ) Loo igiemwi ọghe vbene a ya kporhu hẹ. (th Iruẹmwi 2)

Atuẹ Werriegbe Nokaro: (Ifuanro 5 ra ẹi khian sẹ vberriọ) Ka loo igiemwi ọghe vbene a ya kporhu hẹ. Tama ọ yan owa vbekpae vidio nọ mwẹ uhunmwuta nọ khare wẹẹ, De Vbene Iruẹmwi Ọghe Baibol Ye Hẹ? u ghi vbe ziro yan rẹn (sokpan ghẹ kpee ẹre). (th Iruẹmwi 11)

Ihuan 21

Gha Rre Idiaghe: (Ifuanro 15) Ọta na koko ziro yan. Kpee vidio nọ mwẹ uhunmwuta nọ khare wẹẹ Gi Iziro Ruẹ Kevbe Emwi Ne U Ru Gha Rhiẹre Ma Wẹẹ U Rre Idiaghe. U ghi nọ ọta na, De vbene u khian ya gha rre idiaghe hẹ vbe nọ dekaẹn oseghe ẹvbo na sinmwi kevbe uhi arriọba na lele? Iyeke ọni, u ghi kpee vidio nọ mwẹ uhunmwuta nọ khare wẹẹ Gha Rre Idiaghe Vbe U Ghaa Rre Idagbo. U ghi vbe nọ ọta na, De emwi eso ne u gha ru ne u mieke na sẹtin gha rre idiaghe vbe u gha werriẹ aro daa edanmwẹ?

Iruẹmwi E Baibol Ọghe Iko: (Ifuanro 30) jy-E uhunmwu ebe 95

Ogbewerriẹ Ọghe Uzọla Na Kevbe Evba Yaro Yi Vbe Uzọla Nọ Dee (Ifuanro 3)

Ihuan 131 Kevbe Erhunmwu