UYINMWẸ ỌGHE IMA NE IVBIOTU E KRISTI
Otọ Keghi Mi Ẹzẹ Nii Re
Ẹi re avbiẹ inugba arriọba emwa nagbọn he ru iyobọ ne emwa ọghe Jehova. (Ẹzr 6:1-12; Ẹst 8:10-13) Uhiẹn, vbe ẹghẹ ne ima ye na, ma miẹn vbene “otọ” ya mi ‘ẹzẹ’ re hẹ. Otọ ne a guan kaẹn na keghi mudia ye ihe emwa nagbọn ni mwẹ ekhọe esi ni rre ukpo ọdakha, vbene ẹzẹ nọ rrọọ na mudia ye ihe ukpokpo nọ ke obọ ugbogiorinmwi nii dee nọ re Setan. (Arhie 12:16) Ugbẹnso, e Jehova nọ re “Osanobua ne ọ miẹn ọmwa fan” sẹtin loo emwa nagbọn ni rre ukpo ọdakha ya ru iyobọ ne emwa rẹn.—Psm 68:20; Itan 21:1.
Sokpan, deghẹ a na ghi mu ruẹ ye eghan rhunmwuda iyayi ruẹ vbo? Gha mwẹ ilẹkẹtin wẹẹ aro e Jehova sotọ vbe egbe ruẹ. (Gẹn 39:21-23; Psm 105:17-20) U ghi yerre wẹẹ Osanobua gha fiangbuẹ rhunmwuda amuẹtinyan ne u mwẹ, kevbe wẹẹ imudiase ọghuẹ wa rhie igiọdu ne etẹn ni rre ehe hia vbe uhunmwu otagbọn na.—Fil 1:12-14; Arhie 2:10.
GHEE VIDIO NỌ MWẸ UHUNMWUTA NỌ KHARE WẸẸ A FAN ETẸN NI RRE KOREA FUA VBE EGHAN, VBE IYEKE ỌNI, A GHI RHIE EWANNIẸN YE AVBE INỌTA NA:
-
Vbọzẹe ne a na viọ arriaisẹn etẹn nibun ye eghan vbe South Korea vbe ọwara ukpo nibun gha dee?
-
De ohiẹn eso ne a buru vbe owa ẹzọ nọ ghi zẹ ighẹ a rherhe fan etẹn ima eso vbe eghan?
-
De iyobọ ne ima gha sẹtin ru ne etẹn hia na mu ye eghan nia rhunmwuda iyayi ọghe iran?
-
De vbene ọ khẹke ne ima ya gha loo afanvbimu ne ima rhirhi gha mwẹ nia?
-
De ọmwa nọ khẹke ne ima rhie etian na vbe ẹghẹ ke ẹghẹ ne ọkpa ya gbe ifuẹn ne ima vbe owa ẹzọ?
De odẹ ne I ya loo afanvbimu ne I mwẹ?
