EMWI EWE NI RRE UWU ẸMWẸ ỌGHE OSANOBUA | MATIU 14-15
A Loo Ibozẹghẹ Emwa Ya Koko Ọkhọngborrie Emwa
Emwi ọyunnuan ne Jesu ru, ọ te sẹ Ugie Alagberra vbe ukpo 32 C.E., keghi lughaẹn ne emwi ọyunnuan nikẹre rhunmwuda, te ebe enẹ ni ta okha ọghe Jesu wa ya unu kaẹn rẹn.
Obẹlẹ ne Jesu loo ro vbe ọ ru emwi ọyunnuan na, ẹre ọ wa ye loo do sẹ ẹdẹnẹrẹ.
-
Agharhemiẹn wẹẹ ebrẹdi isẹn kẹkan kevbe ehẹn eva ẹre erhuanegbe Jesu ghaa mwẹ, Jesu na ye tama iran ne iran yae koko ọkhọngborrie emwa
-
Vbe Jesu ghi na erhunmwu ye nene ebrẹdi kevbe ehẹn nẹ, ọ na viọ re ne erhuanegbe ẹre; erhuanegbe ẹre na ghi ghae re ne ọkhọngborrie emwa nii
-
Vbe odẹ ọghe ọyunnuan, emwa hia keghi re, ẹko na vuọn iran. Jesu keghi loo ibozẹghẹ emwa—ọni ọre erhuanegbe ẹre, ya koko ọkhọngborrie emwa
-
Jesu tae yotọ wẹẹ vbe ẹdẹ okiekie, irẹn gha zẹ emwa ni khian gha rhie evbare orhiọn ne igiowa ọghe irẹn “vbe ẹghẹ ne ọ kere.”—Mat 24:45
-
Vbe ukpo 1919, Jesu keghi zẹ ‘ọviẹn nọ gia mu ẹtin yan kevbe nọ fuẹro’ ne iran gha rhie evbare orhiọn ne ‘igiowa ọghẹe’
-
Jesu keghi loo ibozẹghẹ emwa na hannọ zẹ na, ya koko ọkhọngborrie emwa zẹvbe ne ọ ru ẹre vbe orre nokaro
De vbene I khian ya rhiẹre ma hẹ wẹẹ, I yẹrẹro kevbe wẹẹ I rhie ọghọ ne emwa ne Jesu loo ya rhie evbare orhiọn ne emwa rẹn?
