5:8, 18, 21

Ne Jehova na gie Jesu gha dee, ne ọ do dẹ ima werriegbe keghi wa ru ekpataki rhunmwuda, ọna gha kpe eni ẹnrẹn huan, ọ ghi vbe rhiẹre ma wẹẹ irẹn ẹre ọ mwẹ asẹ na ya khaevbisẹ kevbe wẹẹ odẹ ne irẹn ya khaevbisẹ ẹre ọ maan sẹ. Izọese adẹwerriegbe ọghe Jesu ẹre ọ vbe zẹ ighẹ ima sẹtin gha gu e Jehova mwẹ asikẹgbe, ẹre ọ vbe ya ima mwẹ ayayẹro ọghe agbọn nọ vuọn ne oghọghọ nọ khẹ emwa ni họn ẹmwẹ ne Jehova vbe odaro.

De vbene ima khian ya rhiẹre ma wẹẹ ima gbọyẹmwẹ ye ẹse ọghe adẹwerriegbe ne Jehova ru ne ima?

• A yegbe fiohan kevbe idinmwiamẹ ọghe ima rhiẹre ma wẹẹ, ima mwẹ amuẹtinyan daa adẹwerriegbe kevbe wẹẹ, ọghe Jehova ẹre ima khin

• Ne ima na kporhu iyẹn nọ maan ọghe Arriọba Osanobua rhiẹre ma wẹẹ, ima ya egbe tae Jehova vbe odẹ ne ọ ya rhie ahoẹmwọmwa maa emwa hia.—Mat 22:39; Jọn 3:16

De odẹ ọvbehe ne I gha ya rhiẹre ma wẹẹ I gbọyẹmwẹ ye ẹse ọghe adẹwerriegbe ne Jehova ru mẹ?