UYINMWẸ ỌGHE IMA NE IVBIOTU E KRISTI
Vbene A Ya Guẹ Sayọ vbe Iwinna Ikporhu
EVBỌZẸ NE Ọ NA RU EKPATAKI:
Ọ khẹke ne ima gha gbe amẹ khakha ikpẹ ọghe ẹmwata ne ima kọ. (1 Kọr 3:6) Ma gha miẹn ọmwa nọ mwẹ ẹkorhiẹnrhiẹnmwẹ, ima sẹtin fi inọta eso fua ne ima gha sẹtin ziro yan vbe ima gha werriegbe rre. Ọna gha ya ọ yan owa gha kpẹho khẹ emwi na khian ta kevbe ọ ghi vbe yae khuẹrhẹ ne ima vbe a gha muegbe atuẹ werriegbe yotọ. Vbe ima gha werriegbe rre, ima sẹtin wa tama rẹn wẹẹ te ima do rhie ewanniẹ ye inọta ne ima nọ rẹn vbe ẹghẹ ne ima ka ya sẹ evba.
VBENE A YA RUẸ HẸ:
-
Vbe u gha muegbe ikporhu ọghe owa ya sẹ owa, u sẹtin mwamwa inọta ne u gha nọ ọ yan owa re, ne u hoo ne u rhie ewanniẹ yi vbe u gha werriegbe rre. Ewanniẹ ọghẹe sẹtin gha rre ebe ne u khian ya winna vbe ẹdẹrriọ. Ọ sẹtin vbe gha rre ọkpa vbe usun ebe ne ima loo ya gu emwa ruẹ emwi, ne u hoo ne u loo vbe u gha werriegbe rre.
-
U gha ghi kporhu ma ọmwa nọ mwẹ ẹkorhiẹnrhiẹnmwẹ fo nẹ, khama rẹn u ke kpa wẹẹ, u hoo ne uwa ye guan vbe ẹdẹ ọvbehe. Vbe iyeke ọni, u ghi fiẹ fua ighẹ inọta nu muegbe ẹre ne u hoo ne uwa werriegbe guan yan. U sẹtin miẹn ọnrẹn enọmba efoni ra adrrẹsi ọghẹe, deghẹ ọ na gia ru.
-
Adeghẹ u bu ẹdẹ ne u khian ya werriegbe rre, u ghi mu ẹmwẹ ne u tae sẹ.
—Mat 5:37.
