Ebe Matiu uhunmwu ẹnrẹn 8 kevbe 9 ya ima rẹn iwinna eso ne Jesu winnaẹn vbe Galili. Te Jesu rhiẹre ma vbene irẹn mwẹ ẹtin hẹ vbe ẹghẹ ne ọ ya gha mu emwa egbe rran. Sẹ ehia, iwinna ọyunnua ọghẹe vbe rhiẹre ma vbene ọ mwẹ ahoẹmwọmwa kevbe ẹnina hẹ.

1. Jesu keghi mu ọkhọnmwọ oti ọkpa egbe rran.—Mat 8:1-3

2. Jesu keghi mu ọguọmwadia ọghe ọkaokuo ọkpa egbe rran.—Mat 8:5-13

   Ọ mu iye ọvbokhan e Pita egbe rran.—Mat 8:14, 15

   Ọ khulo avbe orhiọn dan hin emwa egbe rre, ọ na vbe mu emwa ni khuọnmwi egbe rran.—Mat 8:16, 17

3. Jesu keghi khulo orhiọn dan ni wegbe hin emwa egbe rre; ọ na wẹẹ ne avbe orhiọn dan nii la uwu oghẹn esiebo.—Mat 8:28-32

4. Jesu mu uke ọkpa egbe rran.—Mat 9:1-8

   Okhuo ọkpa ghi ya obọ kaan ẹwu Jesu, egbe keghi rran rẹn; Jesu vbe huẹn ovbi e Jairọs nokhuo kpaegbe.—Mat 9:18-26

   Ọ keghi mu avbe arhuaro kevbe odin egbe rran.—Mat 9:27-34

5. Jesu kegha mu emwa ni khuọnmwi emianmwẹ ughughan egbe rran, zẹvbe ne ọ ya gha mu okhian la ẹvbo ughughan kevbe igue nibun.—Mat 9:35, 36

De vbene I khian ya hia sayọ hẹ, ne I gha rhie ahoẹmwọmwa kevbe ẹnina ma emwa ni lẹga mwẹ?