Aro nọ ghaan ẹre Jehova ya ghee ruẹ. (Aiz 43:4) Ọ si ruẹ kẹ egbe, ọ na rhie ruẹ la odẹ ẹmwata na. Ugbẹnvbe a miẹn wẹẹ u ya egbe ruẹ fiohan ne Jehova nẹ, kevbe wẹẹ, u dinmwiamẹ nẹ, ọghe Jehova ẹre u ghi khin. Rhunmwuda nọ na ya aro nọ ghaan ghee ruẹ, ọ gha gbaroghe ruẹ, uhiẹn vbe u ghaa werriẹ aro daa ọlọghọmwa nibun. Ọ gha loo otu ọghẹe ya rhie ẹre ma wẹẹ, ahoẹmwọmwa nọ mwẹ nuẹn i khian fafa ẹdẹ.—Psm 25:10.

Ma gha muẹn roro odẹ ne otu e Jehova ya ru iyobọ ne emwa ne odekun ẹrhia sunu daa vbe nọ ma he kpẹẹ gbe na, ọ gha ya ima kakabọ gbọyẹmwẹ ye ahoẹmwọmwa nẹi beghe ne Jehova mwẹ ne ima.

GHEE VIDIO NỌ MWẸ UHUNMWUTA NỌ KHARE WẸẸ, IYẸN NỌ DEKAẸN EMWI NE AGBAZIRO NA TIE ẸRE COORDINATORS’ COMMITTEE FIANGBUA ỌGHE 2019, IYEKE ỌNI, A GHI ZẸ EWANNIẸN YE AVBE INỌTA NA:

• De vbene agbaziro na tie ẹre Coordinators’ Committee he ya ru iyobọ ne abotu ughughan ni rre otagbọn hia, ne iran mieke na sẹtin gbaroghe emwa ne odekun ẹrhia sunu daa?

• De vbene otu e Jehova ya ru iyobọ ne etẹn ni rre Indonesia kevbe Nigeria vbe emwi nọ wegbe sunu?

• De emwi ne u kakabọ wa gbọyẹmwẹ yi vbe odẹ ne otu e Jehova ya ru iyobọ ne ima vbe ẹghẹ emianmwẹ na tie ẹre COVID-19?