February 19-25
PSALM 8-10
Ihuan 2 Kevbe Erhunmwu | Ẹmwẹ Ọghe Omuso (Ifuanro 1)
1. “Eo Jehova, I Gha Rho Ruẹ”!
(Ifuanro 10)
E Jehova maan ne ima gbe (Psm 8:3-6; w21.08 3 ¶6)
Te ima ya ekhọe hia rhie urhomwẹ gie Jehova, vbe ima ghaa tama emwa ọvbehe vbekpa iwinna ọyunnuan nọ ru (Psm 9:1; w20.05 23 ¶10)
Te ima vbe rhie urhomwẹ gie Jehova, vbe ima ghaa ya ekhọe hia so ihuan gie ẹre (Psm 9:2; w22.04 7 ¶13)
NỌ EGBUẸ WẸẸ, ‘De odẹ ọvbehe ne I gha ya sẹtin rhie urhomwẹ gie Jehova?’
2. Emwi Ewe Ọghe Orhiọn
(Ifuanro 10)
-
Psm 8:3—De emwi ne ọsian yae kha vbe ọ guan kaẹn ikpinhianbọ ọghe Jehova? (it-1 832)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 10:1-18 (th iruẹmwi 11)
4. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. Ọmwa ne u do kporhu ma tama ruẹ wẹẹ, irẹn ma yayi wẹẹ Osanobua rrọọ. (lmd iruẹmwi 5 uhunmwu ẹmwẹ 4)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. Vbe uwa guan rẹn kiekie, ọmwa ne u kporhu ma na tama ruẹ wẹẹ, irẹn ma yayi wẹẹ Osanobua rrọọ, sokpan, ọ na wẹẹ irẹn mu egbe ne irẹn khian ya zẹ iro yan emwi eso nọ rhie ẹre ma wẹẹ, Ayi rrọọ nọ yi emwi hia. (th iruẹmwi 7)
6. Ọta Ọghe Ọwara
(Ifuanro 5) w21.06 6-7 ¶15-18—Uhunmwuta: Ru Iyobọ Ne Emwa Ne U Gu Ruẹ E Baibol Ne Iran Mieke Na Sẹtin Gha Rho E Jehova. (th iruẹmwi 10)
Ihuan 10
7. Vbene Ima Khian Ya Kporhu Vbe Odẹ Nọ Khẹke Vbe Ẹkpotọ Nọ Rhirhi Kie Ne Ima
(Ifuanro 10) Ọta na koko zẹ iro yan.
Odẹ ọkpa ne ima khian ya gha rhie urhomwẹ gie Jehova sayọ, ọre ne ima gha kporhu ma emwa ughughan ne ima miẹn. (Psm 35:28) Ohan sẹtin gha mu ima, vbe ima gha wẹẹ ne ima kporhu vbe ẹghẹ ke ẹghẹ ne ẹkpotọ ya kie ne ima. Sokpan ma gha rẹn vbene a ya mu ẹmwẹ so hẹ, ma na vbe hia ne ima gu emwa zẹ iro vbe odẹ ne iran i khian ya gha roro ẹre wẹẹ, te ima gbagba ẹmwẹ ne ima ta ye iran egbe, ọ sẹtin do gua ima egbe ro, ọ vbe gha rhiẹnrhiẹn ima na ru!
Kpee VIDIO na Mu Egbe Ne U Ya Kporhu “Iyẹn Nọ Maan Ọghe Ọfunmwegbe”—Zẹ Owẹ Nokaro. Iyeke ọni, u ghi we ne etẹn zẹ ewanniẹn ye inọta na:
Vbua miẹn ruẹ vbe vidio na, nọ gha ru iyobọ nuẹn ya gha mwẹ alaghodaro vbe odẹ ne u ya kporhu ma emwa vbe ẹghẹ ke ẹghẹ ne ẹkpotọ ya kie?
Emwi eso na gbẹnnẹ ye ototọ mwa, gha ru iyobọ nuẹn ya suẹn gha gu emwa guan:
-
Gualọ ẹkpotọ ne u khian ya suẹn gha gu emwa guan, vbe ẹghẹ ke ẹghẹ ne u ya kpa hin owa rre. Mu ẹmwẹ na ye erhunmwu, u vbe rinmwian e Jehova nọ ru iyobọ nuẹn ya miẹn emwa ni gha hoo ne iran danmwehọ ruẹ
-
Gha soyaya mu emwa, u vbe gi iran rẹn wẹẹ u mwẹ ẹmwẹ iran vbe orhiọn. Hia ne u rẹn emwi eso vbekpa ọmwa nii, nọ gha ru iyobọ nuẹn ya rẹn emwi eso nọ rre uwu e Baibol nọ gha yẹẹ ọre
-
Gualọ ẹkpotọ ne u khian ya miẹn ẹre enọmba efoni, deghẹ ọ khẹke ne u ru vberriọ
-
Deghẹ u na gha gu ọmwa guan, sokpan, ọ ma kẹ ruẹ ya kporhu ma rẹn uwa ke guan fo, ghẹ gi orhiọn gbe yọ ruẹ iwu
-
Ye gha mu ẹmwẹ ọmwa nii roro vbe uwa gha guan fo nẹ. U sẹtin sẹnd e link ọghe ako ọghe Baibol ọkpa, ra uhunmwuta ọkpa nọ rre jw.org gie ẹre. Ọna gha yae rẹn wẹẹ, u mwẹ ẹmwẹ ọnrẹn vbe orhiọn
Danmwẹ ọna ghee: Ọmwa gha nọ ruẹ wẹẹ, ‘Vbe emwi hia ye hẹ?,’ u sẹtin loo ẹkpotọ nii ya tama rẹn emwi ne u ruẹ re vbe iko ra u sẹtin tama rẹn vbekpa iwinna ikporhu ne u rhiegbe yi.
8. Evba Gualọ Vbe Iko
(Ifuanro 5)
9. Iruẹmwi E Baibol Ọghe Iko
(Ifuanro 30) bt uhunmwuta 6 ¶1-8 kevbe omuso ọghe abọ 2
