February 26–March 3
PSALM 11-15
Ihuan 139 Kevbe Erhunmwu | Ẹmwẹ Ọghe Omuso (Ifuanro 1)
1. Roro Vbene Ọ Khian Gha Ye Hẹ Vbe U Ghaa Rre Agbọn Ọgbọn
(Ifuanro 10)
Ne emwa i na lele uhi, ẹre ọ si ẹre ne olighi vbe otighi na rre ehe hia vbe ẹdẹnẹrẹ (Psm 11:2, 3; w06 5/15 18 ¶3)
Ma rẹnrẹn wẹẹ e Jehova gha rherhe ru ẹre, ne okhọn kevbe olighi ghẹ ghi gha rre agbọn na (Psm 11:5; wp16.4 11)
E Jehova yan rẹn wẹẹ irẹn gha miẹn ima fan. Ma ghaa mu ọna roro, ọ gha ru iyobọ ne ima ya zin egbe khẹ ẹghẹ ne agbọn ọgbọn khian ya rre (Psm 13:5, 6; w17.08 6 ¶15)
DANMWẸ ỌNA GHEE: Tie Ẹzikiẹl 34:25, u ghi vbe loo ẹghẹ eso ya muẹn roro wẹẹ, u rre eke na giere vbe ebe Ẹzikiẹl na kevbe wẹẹ, orhiọn ruẹ wa vbe sotọ.—kr 236 ¶16.
2. Emwi Ewe Ọghe Orhiọn
(Ifuanro 10)
-
Psm 14:1—De vbene emwi na guan kaẹn vbe ako na, khian ya sẹtin gha re ọlọghọmwa ne Ivbi Otu e Kristi hẹ? (w13 9/15 19 ¶12)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 13:1–14:7 (th iruẹmwi 2)
4. U Gha Khian Suẹn Gha Gu Emwa Guan
(Ifuanro 2) IKPORHU ỌGHE ẸGHẸ KE ẸGHẸ. Tie ọmwa ne u kporhu ma gha die Ugie Ayere. (lmd iruẹmwi 5 uhunmwu ẹmwẹ 3)
5. U Gha Khian Suẹn Gha Gu Emwa Guan
(Ifuanro 1) KE OWA YA SẸ OWA. Tie ọmwa ne u kporhu ma gha die Ugie Ayere. (lmd iruẹmwi 3 uhunmwu ẹmwẹ 4)
6. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. Ọmwa na kporhu ma gbọyẹmwẹ ye ebe itie ọghe Ugie Ayere na rhie nẹẹn. (lmd iruẹmwi 7 uhunmwu ẹmwẹ 4)
7. Ya Emwa Khian Erhuanegbe
(Ifuanro 5) lff olika ẹmwẹ ọghe iruẹmwi 13, ogbewerriẹ, kevbe emwi ne u gha ru. Loo uhunmwuta ọkpa nọ rre abọ na tie ẹre “Ruẹ Sayọ” ya ru iyobọ ne ọmwa ne u gu ruẹ e Baibol ya rẹn aro ne Osanobua ya ghee ugamwẹ ohoghe. (th iruẹmwi 12)
Ihuan 8
8. “Ẹwaẹn Ẹre Ọ Maan Sẹ Emwi Igbinna Na Ya Khọn Okuo”
(Ifuanro 10) Ọta na koko zẹ iro yan.
Te igbinna oguo ghi wa muan yọ vbe ehe hia vbe agbọn na. E Jehova rẹnrẹn wẹẹ, okuo kevbe olighi ne ima bẹghe vbe agbọn na kevbe ni sunu lẹga ima, gha sẹtin ya ima gha si osi. Rhunmwuda ọni, ọ rẹnrẹn wẹẹ te ọ khẹke ne irẹn gha gbogba ga ima. Odẹ ọkpa ne Jehova ya gbogba ga ima, ọre nọ na loo e Baibol ya dia ima.—Psm 12:5-7.
Ẹwaẹn kevbe ibude ni rre uwu e Baibol maan sẹ “emwi igbinna na ya khọn okuo.” (Asan 9:18) Muẹn roro vbene ilele ni rre avbe ako ọghe Baibol na gbẹnnẹ ye ototọ mwa, khian ya ru iyobọ ne ima hẹ, ne ima ghẹ de ye obọ emwa dan.
-
Asan 4:9, 10—Ọ ma khẹke ne uwẹ ọkpa gha rre ẹdogbo ne emwa dan ye ra ne emwi dan gha na sẹtin sunu
-
Itan 22:3—Hia ne u rẹn emwi nọ sunu lẹga ruẹ vbe u ghaa rre orere
-
Itan 26:17—Ghẹ fi ukpẹ ye ẹmwẹ nọ ma kaan ruẹ
-
Itan 17:14—U gha bẹghe ẹre wẹẹ emwi dan gha rherhe sunu vbe eke ne u ye, u ghi hia ne u kpa hin ẹdogbo nii rre. Ghẹ sikẹ eke ne emwa na si egbe koko gha gbe olighi
-
Luk 12:15—Ghẹ mu arrọọ ruẹ ye ikpadede rhunmwuda wẹẹ u ma hoo ne emwi ewe ne u mwẹ wii ruẹ
Kpee VIDIO na Ya Egbe Taa Iran Ni Mwẹ Amuẹtinyan, Ẹi Re Iran Nẹi Mwẹ Amuẹtinyan—Inọk, Ẹi Re Lamẹk. Iyeke ọni, u ghi we ne etẹn zẹ ewanniẹn ye inọta na:
De vbene igiemwi ọghe Inọk ya ru iyobọ ne erha ọmọ nii ya ru azẹ nọ khẹke, vbe ẹghẹ ne emwa na gha gbe olighi vbe ẹdogbo ọghe iran?—Hib 11:5
Ugbẹnso, Ovbi Otu e Kristi sẹtin do bẹghe ẹre wẹẹ, ọ khẹke ne irẹn ru emwi eso ne irẹn ya gbogba ga egbe irẹn ra avbe emwi nọ mwẹ. Ọ ghaa yerriọ, ọ khẹke nọ hia vbe odẹ ke odẹ nọ ghẹ gbe ọmwa rua, nọ ghẹ ya rri abe esagiẹn.—Psm 51:14; ya ghee “Inọta Ne Emwa Nọ” nọ rre ebe Owa Ọkhẹ ọghe July 2017.
9. Ebe Itie Ọghe Ugie Ayere Na Khian Suẹn Gha Ghae Vbe Ẹdẹ Satọde, March 2
(Ifuanro 5) Ọta ne ọkpa vbe ediọn khian ya guan. Ya unu kaẹn emwamwa ne ediọn ru vbe nọ dekaẹn ọta ne kpataki, Ugie Ayere, kevbe vbene a khian ya ghae ebe itie hẹ vbe ẹdogbo ne uwa na kporhu. Ye etẹn re rre wẹẹ, iran gha sẹtin rhie ughaẹdẹ 15 ladian vbe iran gha ru iwinna arọndẹ ọghe ọyọmwabọ vbe uki e March kevbe April.
10. Iruẹmwi E Baibol Ọghe Iko
(Ifuanro 30) bt uhunmwuta 6 ¶9-17
