January 20-26
PSALM 138-139
Ihuan 93 Kevbe Erhunmwu | Ẹmwẹ Ọghe Omuso (Ifuanro 1)
1. Ghẹ Gi Ohan Si Ruẹ Ghee Iyeke
(Ifuanro 10)
Ma hoo ne ima gha ya ekhọe hia rhie urhomwẹ gie Jehova (Psm 138:1)
Deghẹ ohan na gha mu ruẹ vbe u gha khian zẹ ewanniẹn vbe iko, u ghi mu ẹtin yan e Jehova, ọ gha ru iyobọ nuẹn (Psm 138:3)
Ẹ i re emwi dan deghẹ ohan na gha mu ruẹ (Psm 138:6; w19.01 10 ¶10)
EMWI NỌ GHA RU IYOBỌ NUẸN: Deghẹ ima na gha zẹ ewanniẹn ne kuẹi, ọ gha ru iyobọ ne ima ne ohan ghẹ mu ima gbe.—w23.04 21 ¶7.
2. Emwi Ewe Ọghe Orhiọn
(Ifuanro 10)
-
Psm 139:21, 22—Ọ khẹke ne Ivbi Otu e Kristi gha yabọ emwa hia ra? (it-1 862 ¶4)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 139:1-18 (th iruẹmwi 2)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ADESẸ ORERE. (lmd iruẹmwi 2 uhunmwu ẹmwẹ 3)
5. Ya Emwa Khian Erhuanegbe
(Ifuanro 4) IKPORHU ỌGHE ADESẸ ORERE. Tama ọmwa ne u kporhu ma wẹẹ u gha hoo ne u gha gu ẹre ruẹ e Baibol, u ghi vbe ma re vbene ima ya gu emwa ruẹ e Baibol hẹ. (lmd iruẹmwi 10 uhunmwu ẹmwẹ 3)
6. Ọta Ọghe Ọwara
(Ifuanro 5) ijwyp uhunmwuta 105—Uhunmwuta: De Emwi Nọ Gha Ru Iyobọ Mẹ Deghẹ Ọmwa Ne Ekhue Mu Ẹre I Khin? (th iruẹmwi 16)
Ihuan 59
7. U Gha Ye Sẹtin Gha Sọyẹnmwẹ Iwinna Ikporhu, Ọ Gha Khọnrẹn Ne U Gha Re Ọmwa Ne Ekhue Mu
(Ifuanro 15) Ọta na koko zẹ iro yan.
Ọmwa ne ekhue mu ẹre u khin ra? Ẹghẹ nibun, te u hoo ne uwẹ ọkpa wa fẹko gha ru ọghuẹ khian ra? Vbene u khian ya gu emwa ọvbehe guan vbe ya ohan mu ruẹ ra? Ugbẹnso, ma ghaa re ọmwa ne ekhue mu, ọ sẹtin da ima obọ yi ne ima ghẹ ru emwi eso ne ima te hoo ne ima ru. Vbọrhirhighayehẹ, emwa nibun rrọọ ne ekhue mu, ni ghi sẹtin do gha kporhu ma emwa, te iwinna ikporhu ghi vbe rhiẹnrhiẹn iran. De emwi ne ima khian miẹn ruẹ vbe igiemwi ọghe iran?
Kpee VIDIO na Te I Ye Rhiegba Ye Ugamwẹ E Jehova, Agharhemiẹn Wẹẹ Ọmwa Ne Ekhue Mu Ẹre I Khin. Iyeke ọni, u ghi we ne etẹn zẹ ewanniẹn ye avbe inọta na:
-
De ere ne Ọtẹn Nokhuo Lee lae miẹn, rhunmwuda nọ na “ya ekhọe hia rhiegba ye ugamwẹ e Jehova,” zẹvbe ne iyẹe nọkhua tama rẹn?
E Baibol ya ima rẹn wẹẹ, egbọre emwa ne ekhue mu, ẹre Mozis, e Jerimaia kevbe Timoti ghaa khin. (Ẹks 3:11; 4:10; Jer 1:6-8; 1 Tim 4:12) Ọrheyerriọ, iran ye sẹtin ru iwinna ne kpataki nibun vbe ugamwẹ e Jehova rhunmwuda, e Jehova ghaa gu iran rrọọ. (Ẹks 4:12; Jer 20:11; 2 Tim 1:6-8)
Tie Aizaia 43:1, 2. Iyeke ọni, u ghi we ne etẹn zẹ ewanniẹn ye avbe inọta na:
-
De eyan ne Jehova yan ma emwa ni gae?
De vbene Jehova khian ya ru iyobọ ne emwa ne ekhue mu, ne iran mieke na gha sọyẹnmwẹ iwinna ikporhu ọghe iran vbe ẹdẹnẹrẹ?
Kpee VIDIO na Idinmwiamẹ Ọghe Uwa Gha Ya Uwa Gha Mwẹ Oghọghọ Sayọ—Abọ Ne Kuẹi Vbọ. Iyeke ọni, u ghi we ne etẹn zẹ ewanniẹn ye avbe inọta na:
-
De emwi eso nọ ya Ọtẹn Nokhuo Jackson rẹn wẹẹ, e Jehova gele loo ẹtin ẹnrẹn ya ru iyobọ ne irẹn vbe iwinna ikporhu iyẹn nọ maan?
-
De vbene iwinna ikporhu gha ya sẹtin ru iyobọ ne ọmwa ne ekhue mu hẹ?
8. Iruẹmwi E Baibol Ọghe Iko
(Ifuanro 30) bt uhunmwuta 21 ¶8-13, ẹkpẹti nọ rre ipapa 193
