UYINMWẸ ỌGHE IMA NE IVBIOTU E KRISTI
Vbene Evbayi Ya Rhie Ẹre Ma Wẹẹ Osanobua Hoẹmwẹ Ima
Iwinna evba gha re evba gha da sẹtin mu ima sẹrriọ wẹẹ, ma i ghi miẹn ẹghẹ ya gbarokotọ ghee avbe emwi ne Osanobua yi, ne ima mieke na rẹn vbene iran ya rhie ẹre ma wẹẹ, Osa nọ zẹ emwi obọ kevbe nọ hoẹmwẹ ima ẹre Osanobua khin. Sokpan Jesu gi ima rẹn wẹẹ, te ọ khẹke ne ima gha gbarokotọ ghee evbayi, ma ghi vbe gha ru erria yan emwi ne iran maa ima re vbekpae Jehova.—Mat 6:25, 26.
GHEE VIDIO NỌ MWẸ UHUNMWUTA NỌ KHARE WẸẸ EMWI NE JEHOVA YI KEGHI RHIẸRE MA WẸẸ Ọ HOẸMWẸ IMA, IYEKE ỌNI, A GHI ZẸ EWANNIẸN YE AVBE INỌTA NA:
De emwi ne dọmwadẹ emwi na sunu yi vbe ototọ mwa maa ruẹ re vbekpae ahoẹmwọmwa ne Jehova mwẹ ne ima?
-
Elements.
-
Ideghedeghe.
-
Irunmwu.
-
Avbe aranmwẹ.
-
Aro, ehọ, aranmwẹ, ikinnegbe kevbe ihue ọghe ima.
-
Ẹrherhe ọghe ima.
