Okhuo ne ima fian ne egbe ima vbe odẹ ọghe orhiọn, ọre emwi ke emwi ne ima hia ne ima gha ru, ne ima mieke na rhiegbe ye ugamwẹ e Jehova sayọ, ne ẹko mieke na vbe gha rhiẹnrhiẹn ọnrẹn. Avbe okhuo ne ima fian ne egbe ima vbe odẹ ọghe orhiọn, keghi ru iyobọ ne ima ya gha mwẹ alaghodaro vbe odẹ ẹmwata na, iran vbe sẹ ne ima gha loo ẹghẹ kevbe ẹrhiọn ọghe ima yi. (1 Tim 4:15) Vbọzẹ nọ na khẹke ne ima gha mu okhuo ne ima fian ne egbe ima roro vbe ẹghẹ hia? Rhunmwuda, te emwi fi werriẹ. A sẹtin miẹn wẹẹ, ma i khian ghi sẹtin ru emwi ne ima te ka wẹẹ ima khian ru, a sẹtin vbe miẹn wẹẹ ima ru ẹre nẹ rhunmwuda ọni, ọ khẹke ne ima fian okhuo ọvbehe ne egbe ima.

Ẹghẹ nọ khẹke ne ima ya mu okhuo ne ima fian ne egbe ima roro, ọre vbene a te la ukpo ugamwẹ ọghe ọgbọn. Uwa sẹtin guan kaẹn emwi eso ne uwa gha sẹtin ru vbe iruẹmwi ẹgbẹe ọghe uwa, iyeke ọni, uwa ghi mwamwa emwi eso ne dọmwadẹ uwa gha sẹtin ru kevbe ne uwa gha ru zẹvbe ẹgbẹe.

De okhuo eso ne u fian ne egbuẹ vbe nọ dekaẹn avbe emwi na gbẹnnẹ ye ototọ mwa, kevbe wẹẹ, de emwamwa eso ne u ru, ne u mieke na sẹtin musọe?