Vbe uki e September, ma gha ru emwamwa ne ima khian ya gi emwa rẹn wẹẹ, Arriọba Osanobua ọkpa ẹre ọ khian sẹtin sọfurre ye ọlọghọmwa hia ni rre uhunmwu otagbọn na. (Mat 24:14) Vbua khian ya sẹtin gha mwẹ obọ vbe emwamwa na hẹ? Hia ne u tie ako ọghe Baibol nọ guan kaẹn Arriọba Osanobua ma inu emwa ne u gha sẹtin tie ẹre ma vbe uki e September. Deghẹ u na bẹghe ẹre wẹẹ ẹmwẹ ne u tae yẹẹ ọmwa ne u kporhu ma, u ghi rhie The Watchtower No. 2 2020 nẹẹn. U ghi hia ne u werriegbe ya miẹn ọnrẹn, ghẹ vbe gi ẹre kpẹẹ gbe, u ke werriegbe gha khian. Iyeke ọni, u ghi loo ebe ẹmu na tie ẹre Sọyẹnmwẹ Arrọọ Vbe Etẹbitẹ! ya suẹn gha gu ẹre ruẹ e Baibol. Etẹn ni ru iwinna arọndẹ ọghe ọyọmwabọ gha sẹtin rhie ughaẹdẹ 15 ra 30 ladian vbe uki na.

Vbe nẹi khian ghi kpẹẹ gbe, Arriọba Osanobua gha guọghọ arriọba hia ni gbodan ghee ẹre. (Dan 2:44; 1 Kọr 15:24, 25) Gi ima loo ẹkpotọ na ya rhie ẹre ma wẹẹ e Jehova kevbe Arriọba ọghẹe ẹre ima yẹrike!