UYINMWẸ ỌGHE IMA NE IVBIOTU E KRISTI
Gha Mwẹ Ahoẹmwọmwa Nẹi Beghe Daa Emwa Vbe Na Ghee Jehova
E Jehova ọre ọmwa nọ ghi mwẹ ahoẹmwọmwa nẹi beghe daa emwa sẹ. (Psm 103:11) Ahoẹmwọmwa ne Jehova mwẹ ne emwa i wa re ọghe ovbi ẹghẹ kherhe. Ọmwa ghaa mwẹ ahoẹmwọmwa nẹi beghe ne ọmwa ọvbehe, ọ ghi rhikhan mu ọmwa nii ya sẹ ufomwẹ. Odẹ nibun ẹre Jehova ya rhie ẹre ma wẹẹ irẹn mwẹ ahoẹmwọmwa nẹi beghe ne Ivbi Izrẹl ne emwa rẹn. Ọ keghi fan iran vbe imu vbe otọ Igipt, ọ na vbe viọ iran la Otọ Na Ru Eyan Rẹn. (Psm 105:42-44) Ọ kegha gbinna ne emwa rẹn, ọ na vbe gha yabọ iran vbe iran gha ru orukhọ. (Psm 107:19, 20) Deghẹ ima na gha muẹn roro, odẹ ughughan ne Jehova he ya rhie ẹre ma wẹẹ irẹn mwẹ “ahoẹmwọmwa nẹi beghe,” ọ ghi ya ima gha hoo ne ima ya egbe taa re.—Psm 107:43.
GHEE VIDIO NỌ MWẸ UHUNMWUTA NỌ KHARE WẸẸ, GHA MUẸN RORO IGHẸ ODẸ UGHUGHAN NE JEHOVA HE YA RHIẸRE MA WẸẸ IRẸN MWẸ “AHOẸMWỌMWA NẸI BEGHE,” IYEKE ỌNI, A GHI ZẸ EWANNIẸN YE AVBE INỌTA NA:
-
De odẹ eso ne ima khian ya rhie ẹre ma wẹẹ ima mwẹ ahoẹmwọmwa nẹi beghe?
-
Vbọzẹ nọ na khẹke ne ima sẹ emwi eso ni te yẹẹ ima rae, ne ima mieke na sẹtin gha mwẹ ahoẹmwọmwa nẹi beghe daa emwa?
