August 26–September 1
PSALM 78
Ihuan 97 Kevbe Erhunmwu | Ẹmwẹ Ọghe Omuso (Ifuanro 1)
1. Ọ Ma Khẹke Ne Ima Gha Yevbe Agbẹnvbo Ọghe Izrẹl Ni Sẹ E Jehova Rae
(Ifuanro 10)
Ivbi Izrẹl keghi mianmian iwinna ọyunnuan hia fẹẹrẹ ne Jehova ru (Psm 78:11, 42; w96 12/1 29-30)
Ivbi Izrẹl ma gbọyẹmwẹ ye emwi ne Jehova kpemehe ẹre ne iran (Psm 78:19; w06 7/15 17 ¶16)
Ivbi Izrẹl ma ya abakuru ọghe iran wan ne egbe, sokpan, iran na gha ru emwi dan yan egbe yan egbe (Psm 78:40, 41, 56, 57; w11 7/1 10 ¶3-4)
EMWI NỌ KHẸKE NE U MU RORO: De emwi nọ gha ru iyobọ ne ima, ne ima ghẹ mieke na sẹ e Jehova rae?
2. Emwi Ewe Ọghe Orhiọn
(Ifuanro 10)
-
Psm 78:24, 25—Vbọzẹ na na tie mana “ọka ẹrinmwi” kevbe “ebrẹd ọghe avbe olẹtin”? (w06 7/15 11 ¶4)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 78:1-22 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. Tama ọmwa ne u kporhu ma wẹẹ, u gha hoo ne u gha gu ẹre ruẹ e Baibol. (lmd iruẹmwi 5 uhunmwu ẹmwẹ 5)
5. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. Loo asobọrhie ọkpa ya suẹn gha gu ọmwa zẹ iro. Tama rẹn wẹẹ, u gha hoo ne u gha gu ẹre ruẹ e Baibol. (lmd iruẹmwi 5 uhunmwu ẹmwẹ 4)
6. U Gha Khian Suẹn Gha Gu Emwa Guan
(Ifuanro 1) KE OWA YA SẸ OWA. Ọmwa ne u kporhu ma we ne u ghẹ rhie ẹghẹ nọ tan gbe. Tama rẹn wẹẹ, u gha hoo ne u gha gu ẹre ruẹ e Baibol. (lmd iruẹmwi 2 uhunmwu ẹmwẹ 5)
7. U Gha Khian Suẹn Gha Gu Emwa Guan
(Ifuanro 4) IKPORHU ỌGHE ẸGHẸ KE ẸGHẸ. Hia ne u gi ọmwa ne u gu guan rẹn wẹẹ, Osẹe Jehova ẹre u khin vbene u i khian na sunu ye emwi nọ rre Baibol, u ghi vbe tama rẹn wẹẹ u gha hoo ne u gha gu ẹre ruẹ e Baibol. (lmd iruẹmwi 2 uhunmwu ẹmwẹ 4)
Ihuan 96
8. U Gha Miẹn Emwi Ruẹ Vbe Obọ E Filip Nọ Kporhu Iyẹn Nọ Maan
(Ifuanro 15) Ọta na koko zẹ iro yan.
Igiemwi nibun ẹre ọ rre Baibol, ne ima gha sẹtin ya egbe taa kevbe nọ khẹke ne ima ya wan ne egbe. Te ima gha loo ẹghẹ kevbe ẹrhiọn, ne ima mieke na miẹn ere vbe avbe igiemwi na. Deba na gha tie avbe okha ni rre Baibol, ọ khẹke ne ima gha mu emwi ne ima ruẹ roro, ma ghi vbe hia ne ima gha rhie ẹre ye uyinmwẹ.
Ovbi Otu e Kristi nọ “vuọn ne orhiọn nọhuanrẹn kevbe ẹwaẹn,” ẹre Filip nọ kporhu iyẹn nọ maan ghaa khin. (Iwinna 6:3, 5) De emwi ne ima gha miẹn ruẹ vbe igiemwi ọghẹe?
Kpee VIDIO na U Gha Miẹn Emwi Ruẹ Vbe Obọ Iran—E Filip Nọ Kporhu Iyẹn Nọ Maan. Iyeke ọni, u ghi we ne etẹn zẹ ewanniẹn ye emwi ne iran miẹn ruẹ vbe avbe emwi na gbẹnnẹ ye ototọ mwa:
-
Emwi ne Filip ru vbe ẹghẹ ne emwi ya fi werriẹ vbe ẹdagbọn ọnrẹn vbe udomwurri.—Iwinna 8:1, 4, 5
-
Afiangbe ne Filip miẹn rhunmwuda nọ na ya ekhọe obọ ọre gha rrie eke na na gualọ iyobọ etẹn. —Iwinna 8:6-8, 26-31, 34-40
-
Ere ne Filip vbe ẹgbẹe ọre miẹn rhunmwuda ne iran na gha mu ọghọ ye etẹn egbe.—Iwinna 21:8-10
-
Ọyẹnmwẹ ne ẹgbẹe nọ rre vidio na ghaa mwẹ, rhunmwuda ne iran na lele igiemwi ọghe Filip
9. Iruẹmwi E Baibol Ọghe Iko
(Ifuanro 30) bt uhunmwuta 14 ¶11-20
