August 5-11

PSALM 70-72

KPẸRE

August 5-11

Ihuan 59 Kevbe Erhunmwu | Ẹmwẹ Ọghe Omuso (Ifuanro 1)

EMWI EWE NI RRE UWU ẸMWẸ ỌGHE OSANOBUA

1. Tama “Orre Ni Dee” Vbekpa Ẹtin Ọghe Osanobua

(Ifuanro 10)

E Devid miẹn vbene Jehova ya gbogba ga irẹn hẹ vbe ẹghẹ igbama (Psm 71:5; w99 9/1 18 ¶17)

E Devid miẹn vbene Jehova ya gha ru iyobọ ne irẹn hẹ vbe ọ ghi khian ọmaẹn nẹ (Psm 71:9; g04 10/8 23 ¶3)

E Devid kegha ta okha ọghe emwi nọ miẹn vbe agbọn ma avbe igbama, te ọna wa gha rhie igiọdu ne iran (Psm 71:17, 18; w14 1/15 23 ¶4-5)

NỌ EGBUẸ WẸẸ, ‘De ọtẹn nọ kpẹẹ nẹ vbe ugamwẹ e Jehova, ne I gha hoo ne I nọ rẹn ọta eso vbe Iruẹmwi Ẹgbẹe ọghe ima?’

2. Emwi Ewe Ọghe Orhiọn

(Ifuanro 10)

Psm 72:8—De vbene eyan ne Jehova yan ma Ebraham vbe ebe Gẹnẹsis 15:18 ya sẹ hẹ, vbe ẹghẹ ne Sọlomọn ne Ọba ya gha khaevbisẹ? (it-1 768)

Ewanniẹn ruẹ
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?

Ewanniẹn ruẹ

3. E Baibol Na Tie

(Ifuanro 4) Psm 71:1-24 (th iruẹmwi 5)

RHIEGBE YE IWINNA IKPORHU IYẸN NỌ MAAN

4. U Gha Khian Suẹn Gha Gu Emwa Guan

(Ifuanro 3) KE OWA YA SẸ OWA. Deghẹ ọmwa ne u kporhu ma na suẹn gha muan ẹmwẹ, u ghi hia ne u ghẹ ta ẹmwẹ nọ gha si ẹzọ vbene u te kpa. (lmd iruẹmwi 4 uhunmwu ẹmwẹ 5)

5. Rhie Obọ Lelẹe

(Ifuanro 4) IKPORHU ỌGHE ẸGHẸ KE ẸGHẸ. Werriegbe suẹn gha gu ọmwa ruẹ vbe uwu ẹgbẹe guan vbekpa emwi ne uwa ka zẹ iro yan. Vbe u ghi tama rẹn wẹẹ u gha hoo ne u gha gu ẹre ruẹ e Baibol, ọ na gha si egbe ghee iyeke. (lmd iruẹmwi 8 uhunmwu ẹmwẹ 4)

6. Rhan Otọ Emwi Ne U Yayi

(Ifuanro 5) Ọta Ọghe Ọwara. ijwfq 49—Uhunmwuta: Vbọzẹ Ne Avbe Osẹe Jehova Na Fi Emwi Eso Ne Iran Yayi Werriẹ? (th iruẹmwi 17)

UYINMWẸ ỌGHE IMA NE IVBI OTU E KRISTI

Ihuan 76

7. Emwi Eso Na Gha Sẹtin Ru Vbe Iruẹmwi Ẹgbẹe

(Ifuanro 15) Ọta na koko zẹ iro yan.

Iruẹmwi Ẹgbẹe keghi kie ẹkpotọ yọ, ne evbibiẹ emọ sẹtin gha dia ivbi iran ye odẹ, ne iran vbe gha “ma iran emwi zẹvbe ne Jehova gualọe yi.” (Ẹfis 6:4) Ẹrhiọn ẹre a loo ya ruẹ emwi, sokpan, wa gha wa sọyẹnmwẹ ọnrẹn, katekate zẹvbe ne emọ ya hoo ne iran gha rẹn ẹmwata nọ rre Baibol sayọ. (Jọn 6:27; 1 Pit 2:2) Emwi nọ rre ẹkpẹti nọ mwẹ uhunmwuta nọ khare wẹẹ, “ Emwi Ne Uwa Gha Sẹtin Ru Vbe Iruẹmwi Ẹgbẹe,” gha ru iyobọ ne evbibiẹ emọ, ne emwa hia vbe ẹgbẹe ọghe iran mieke na gha sọyẹnmwẹ Iruẹmwi Ẹgbẹe, iran ghi vbe gha miẹn emwi ruẹ vbọ. Wa zẹ iro yan emwi nọ rre ẹkpẹti na, iyeke ọni, wa ghi rhie ewanniẹn ye avbe inọta na:

Vbe uwu avbe emwi na guan kaẹn na, de ne u gha hoo ne u ru vbọ?

Ewanniẹn ruẹ
Ọ mwẹ emwi ọvbehe ne u miẹn nọ gha ru iyobọ ne uwa ra?

Ewanniẹn ruẹ

EMWI NE UWA GHA SẸTIN RU VBE IRUẸMWI ẸGBẸE

E BAIBOL:

Wa sẹtin danmwehọ errẹkọdi ọghe ako ọghe Baibol na tie vbe uzọla uzọla, ra wa ghi ghae egbe yọ, ne uwa tie ẹre ladian ọsegbe ọsegbe. A sẹtin ghae emwi ne emwa ughughan tae vbe Baibol ne dọmwadẹ emwa vbe uwu ẹgbẹe, ne iran tie ẹre ladian
Gualọ ọta eso ladian vbe ako ọghe Baibol na khian tie vbe uzọla nii. U ghi we ne emwa vbe uwu ẹgbẹe zẹ ọkpa vbọ, ne iran vbe ya ru ezanzan yan rẹn. Iyeke ọni, iran ghi do tama emwa ọvbehe vbe uwu ẹgbẹe emwi ne iran ruẹ re
U sẹtin nọ ọta ra u ghi gie emwi eso nọ gha sẹtin sunu ma emwa ruẹ vbe uwu ẹgbẹe, iyeke ọni, u ghi gualọ ilele eso vbe Baibol ni gha sẹtin ru iyobọ vbe ebe na tie ẹre Avbe Ako Ọghe Ebe Nọhuanrẹn Ni Ru Iyobọ Ne Ivbi Otu E Kristi
Wa sẹtin ru orhiema ọghe okha nọ rre Baibol
Uzọla uzọla, wa sẹtin gha gbẹnnẹ ako ọghe Baibol ughughan ye ekadi, egbe ni rre apẹndis A ọghe ebe ẹmu na tie ẹre Hoẹmwẹ Emwa—Ya Emwa Khian Erhuanegbe, iyeke ọni, wa ghi hia ne uwa rẹn avbe ako ọghe Baibol na ye uhunmwu. Wa sẹtin werriegbe ghee avbe ekadi ne uwa ka loo vbe uzọla eso nọ gberra
Wa sẹtin tie ako eso vbe ebe na tie ẹre Sọyẹnmwẹ Arrọọ Vbe Etẹbitẹ!
U sẹtin we ne emwa vbe uwu ẹgbẹe guan kaẹn ọkpa vbe avbe uhunmwuta nọ rre ako na tie ẹre “Inọta Ne Baibol Zẹ Ewanniẹn Yi” ra Avbe Ako Ọghe Baibol Na Rhan Otọ Re,” vbe ototọ abọ na tie ẹre IMAMWAEMWI NI RRE UWU E BAIBOL vbe jw.org

IKO:

Wa mu egbe abọ eso vbe iko yotọ
Wa mu egbe ewanniẹn ne uwa khian zẹ vbe iko yotọ. Wa ghẹ gi ẹre tan gbe
Wa ruẹ vbene a ya so avbe ihuan Arriọba ọghomwa hẹ
Wa guan kaẹn vbene uwa khian ya rhie igiọdu ne ọmwa vbe uwa gha werriegbe yo iko, ọre vbene a te suẹn iko nọ ra vbe a gha zobọ nẹ vbe iko
Ọkpa vbe uwu uwa na rhie ọta na vbe iko na do vbe uwu uzọla, sẹtin ru ẹre sirra emwa hia vbe uwu ẹgbẹe

IWINNA IKPORHU:

Wa mu egbe ikporhu ọghe ke owa ya sẹ owa yotọ
Wa mu egbe ẹmwẹ ne uwa khian ta vbe uwa gha dọlegbe mu otuẹ gie emwa ne uwa kporhu ma
Wa ru orhiema ọghe vbene uwa gha ya sẹtin suẹn gha gu ọmwa zẹ iro, agharhemiẹn wẹẹ, ẹ i re te uwa ladian vbe ikporhu
Wa guan kaẹn vbene uwa gha ya sẹtin rhiegbe ye iwinna ikporhu sayọ vbe ẹghẹ Ugie Ayere ra vbe uwa gha rhie ẹdẹ vbe iwinna ra esuku

EMWI NỌ GHA RU IYOBỌ NE ẸGBẸE:

Wa ru orhiema ọghe emwi ne uwa gha ru rhunmwuda emwi eso nọ de rre, ra emwi nọ khẹke ne uwa ru vbe emwi eso gha de rre, vbe na ghee ẹmwẹ otu azẹ, ẹmwẹ egbakhian, ẹmwẹ ugie ne emwa do, ra emwi nọ khẹke na ru deghẹ ọmwa na gha zẹ ọkpa vbe uwu uwa kpokpo
Wa ru orhiema ne evbibiẹ emọ gha na ru vbe na miẹn wẹẹ iran ọre emọ ni rre owa, emọ ni rre owa ghi vbe ru vbe na miẹn wẹẹ iran ọre evbibiẹ emọ. Avbe emọ gha ghi ru ezanzan yan uhunmwuta ne uwa khian zẹ iro yan nẹ, iran ghi do rhan otọ re ma uwa ne evbibiẹ emọ

EMWI ỌVBEHE NE UWA GHA SẸTIN RU:

Wa sẹtin ghee JW Broadcasting^® wa ghi vbe zẹ iro yan rẹn
Wa sẹtin tie uhunmwuta ọkpa ra wa ghi ghee vidio ọkpa vbe jw.org, iyeke ọni, wa ghi gba zẹ iro yan rẹn
Wa zẹ iro yan ọkpa vbe uhunmwuta nọ rre ako na tie ẹre “Teens & Young Adults” ra “Ibiẹka” vbe ototọ abọ na tie ẹre IMAMWAEMWI NI RRE UWU E BAIBOL vbe jw.org
Wa sẹtin zẹ iro yan emwi ne uwa gbẹnnẹ yotọ vbe uwa yo asikoko nọkhua ra asikoko nekherhe
Wa sẹtin gbarokotọ ghee emwi eso ne Jehova yi ra wa ghi ru ezanzan yan rẹn, iyeke ọni, wa ghi zẹ iro yan emwi nọ ma uwa re vbekpa e Jehova
Ugbẹnso, wa sẹtin tie ọmwa nọ do deba uwa, wa ghi vbe nọ rẹn ọta eso
Wa fian okhuo ne egbe uwa vbe ugamwẹ e Jehova, wa ghi vbe zẹ iro yan vbene uwa gha ya sẹtin muẹn sẹ
Wa sẹtin gba winna yan emwi eso, vbe na ghee emapu ra isama nọ guan kaẹn emwi ughughan; wa sẹtin vbe kun emwi eso na sunu yi vbe Baibol

Kpee VIDIO na Wa Gha Mwẹ Alaghodaro Vbe Odẹ Ne Uwa Ya Ru Iruẹmwi Ẹgbẹe. Iyeke ọni, u ghi we ne etẹn zẹ ewanniẹn ye inọta na:

De emwi ne ọdọ gha ru, ne ọvbokhan rẹn mieke na gha sọyẹnmwẹ iruẹmwi ẹgbẹe, deghẹ emọ i gu iran rre owa?

Ewanniẹn ruẹ

8. Iruẹmwi E Baibol Ọghe Iko

(Ifuanro 30) bt uhunmwuta 13 ¶17-24

Ẹmwẹ Na Khian Ya Mu Iko Sẹ Ufomwẹ (Ifuanro 3) | Ihuan 123 Kevbe Erhunmwu

EBE IWINNA NA LOO VBE NE IKO–UYINMWẸ KEVBE IWINNA ỌGHE IMA NE IVBIOTU E KRISTI

Emwamwa Ọghe Ne Iko, Uyinmwẹ Kevbe Iwinna Ọghe Ima Ne Ivbiotu E Kristi Ọghe August 5-11, 2024

Edo

Emwamwa Ọghe Ne Iko, Uyinmwẹ Kevbe Iwinna Ọghe Ima Ne Ivbiotu E Kristi Ọghe August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July ipapa 10-16

Avbe Osẹe Jehova

August 5-11

PSALM 70-72

Ihuan 59 Kevbe Erhunmwu | Ẹmwẹ Ọghe Omuso (Ifuanro 1)

EMWI EWE NI RRE UWU ẸMWẸ ỌGHE OSANOBUA